تفسیر درِ منثور
Dure-Mansoor · 76. Al-Insaan · Ayah 28
Tafseerنَحْنُ خَلَقْنٰهُمْ وَ شَدَدْنَاۤ اَسْرَهُمْ١ۚ وَ اِذَا شِئْنَا بَدَّلْنَاۤ اَمْثَالَهُمْ تَبْدِیْلًا﴿28﴾
- نَحْنُ خَلَقْنٰهُمْہم نے انہیں پیدا کیا
- وَشَدَدْنَآاور ہم نے مضبوط کئے
- اَسْرَهُمْ ۚان کے جوڑ
- وَاِذَا شِئْنَااور جب ہم چاہیں
- بَدَّلْنَآہم بدل دیں
- اَمْثَالَهُمْان جیسے لوگ
- تَبْدِيْلًابدل کر
Translation · Dure-Mansoor
ہم ہی نے انہیں پیدا کیا اور ہم ہی نے ان کے جوڑ مضبوط بنائے اور ہم جب چاہیں ان کے جیسے لوگ بدل دیں
Tafseer · Dure-Mansoor
4۔ ابن جریر نے عوفی کے طریق سے ابن عباس ؓ سے روایت کیا کہ آیت وشددنا اسرہم اور ان کے جوڑ بند مضبوط کردئیے یعنی ان کی خلقت کو مضبوط کردیا۔
5۔ ابن جریر نے ابوہریرہ ؓ سے روایت کیا کہ آیت وشددنا اسرہم سے مراد ہیں جوڑ۔
6۔ عبد بن حمید وابن المنذر نے ربیع (رح) سے روایت کیا کہ آیت وشددنا اشرہم سے مراد ہے کہ ہم نے ان کے جوڑ مضبوط کردئیے۔
7۔ عبد بن حمید نے حسن (رح) سے اسی طرح روایت کی ہے۔
8۔ عبدالرزاق وعبد بن حمید وابن المنذر نے قتادہ (رح) سے روایت کیا کہ آیت وشددنا اسرہم سے مراد ہے کہ ہم نے ان کی خلقت کو مضبوط کردیا اور فرمایا آیت ان ہذہ تذکرۃ بیشک یہ ایک نصیحت ہے سے مراد ہے کہ یہ سورة ایک نصیحت ہے۔ واللہ اعلم۔