تدبرِ قرآن
Tadabbur-e-Quran · 29. Al-Ankaboot · Ayah 22
وَ مَاۤ اَنْتُمْ بِمُعْجِزِیْنَ فِی الْاَرْضِ وَ لَا فِی السَّمَآءِ١٘ وَ مَا لَكُمْ مِّنْ دُوْنِ اللّٰهِ مِنْ وَّلِیٍّ وَّ لَا نَصِیْرٍ۠ع﴿22﴾
- وَمَآ اَنْتُمْاور نہ تم
- بِمُعْجِزِيْنَعاجز کرنے والے
- فِي الْاَرْضِزمین میں
- وَلَااور نہ
- فِي السَّمَآءِآسمان میں
- وَمَااور نہیں
- لَكُمْتمہارے لیے
- مِّنْ دُوْنِ اللّٰهِاللہ کے سوا
- مِنْ وَّلِيٍّکوئی حمایتی
- وَّلَااور نہ
- نَصِيْرٍکوئی مددگار
Translation · Tadabbur-e-Quran
اور نہ تم زمین میں خدا کے قابو سے باہر نکل سکوگے اور نہ آسمان میں اور تمہارے لئے اللہ کے سوا نہ کوئی کارساز ہے اور نہ کوئی مددگار
Tafseer · Tadabbur-e-Quran
وما انتم بمعجزین فی الارض ولا فی السماء زوما لکم من دون اللہ من ولی ولا نصیر (22)
اوپر کی باتیں غائب کے اسلوب میں ارشاد ہوئی ہیں۔ اب یہ قریش کو براہ راست خطاب کرکے تنبیہ کی جا رہی ہے تاکہ کلام بالکل مطابق حال ہوجائے۔ فرمایا کہ جب وہ تم کو پکڑنا چاہیے گا تو اس کی پکڑ سے نہ تم زمین میں کہیں اس کے قابو سے باہر نکل سکو گے اور نہ آسمانوں میں۔ نہ یہاں تمہارا کوئی ساتھی اور کارساز بن سکے گا نہ آخرت میں تمہارا کوئی حامی و شفیع ہوگا۔