تدبرِ قرآن

من کان یرجوا لقء اللہ فان اجل اللہ لات ط وھو السمیع العلیم (5) یہ مظلوم مسلمانوں کو تسلی دی ہے کہ بہرحال تمہیں ہر کام آخرت کی امید پر کرنا ہے اور اگر تم یہ امید رکھتے ہو تو اطمینان رکھو کہ اللہ نے اس کے لئے جو مدت ٹھہرا رکھی ہے وہ لازماً پوری ہو کے رہے گی۔ ایک دن تم اپنے رب سے ملو گے اور اس دن تم اپنی ہراس محنت و زحمت کا صلہ پا جائو گے جو اس کی خاطر تم نے جھیلی ہوگی۔ خدا وسمع وعلیم ہے۔ کوئی چیز اس کے احاطہ ٔ علم سے باہر نہیں ہے۔ تمہاری سرفروشیاں بھی اس کے علم میں ہوں گی اور تمہارے دشمنوں کی ستم رانیاں بھی اس کے سامنے ہوں گی۔