تدبرِ قرآن

رب ھب لی من الصلحین (100) اپنے ساتھیوں کی تمنا اپنے خویش و اقارب اور خاندان و قبیلہ سے کٹنے کے بعد سب سے زیادہ جس چیز کی ضرورت محسوس ہوتی ہے وہ اچھے ساتھی ہیں چناچہ ہجرت کے ساتھ ہی حضرت ابراہیم ؑ نے یہ دعا فرمائی کہ اے رب ! ان برے لوگوں کی جگہ تو مجھے اچھے ساتھی دے۔ حضرت ابراہیم ؑ کی یہ دعا میرے نزدیک صرف صالح اولاد ہی کے لئے نہیں بلکہ اچھے رفیقوں اور مددگاروں کے لئے بھی تھی جن میں صالح اولاد بدرجہ اولیٰ شامل ہے۔