تدبرِ قرآن

من عمل صالحاً فلنفسہ ج ومن اسآء فعلیھاز ثم الی ربکم ترجعون 15 یہ اسی تسلی کے مضمون کی مزید وضاحت ہے کہ اگر یہ لوگ نیکی کی راہ اختیار کریں گے تو اس کا نفع انہی کو پہنچے گا اور اگر بدی پر جمے رہے گئے تو اس کا وبال انہی پر آئے گا۔ اس کی کوئی ذمہ داری اہل ایمان پر نہیں ہوگی جب کہ انہوں نے حق لوگوں کو پہنچا دیا۔ پھر قیامت کے دن سب کی پیشی خدا کے سامنے ہوگی اور اس دن فیصلہ ہوجائے گا کہ کون حق پر رہا اور کون باطل پر اور کون کس انجام کا سزا وار ہے۔