تدبرِ قرآن

ادخلوھا بسلم ذلک یوم الخلود (34) ابدی بادشاہی یعنی ان سے کہا جائے گا کہ اس جنت میں سلامتی کے ساتھ داخل ہو جائو۔ اب نہ اس میں تمہارے لئے ماضی کا کوئی پچھتاوا ہوگا نہ مستقبل کا کوئی اندیشہ، ابدی بادشاہی کا جو وعدہ تم سے کیا گیا تھا اس کے دیئے جانے کا وقت آگای۔ یہ بادشاہی تم سے کبھی چھینی نہیں جائے گی اور نہ کبھی اس میں کوئی دخنہ پیدا ہوگا۔ سورة حجر کی آیت 46 میں یہی بات یوں ارشاد ہوئی ہے۔ ادخلوھا بسلم امنین راس میں داخل ہو جائو، کامل سلامتی کے ساتھ، ہر اندیشہ سے نچنت ہو کر) قرآن میں اس بات کا ذکر بھی جگہ جگہ آیا ہے کہ فرشتے سلام کے ساتھ اہل جنت کا خیر مقدم کریں گے بلکہ اللہ تعالیٰ کے سلام و پیام کا ذکر بھی آیا ہے، لیکن ان کا محل اور ہے۔ یہاں مدعا ہی ہے جس کی تائید سورة حجر کی آیت سے ہورہی ہے۔