تدبرِ قرآن
Tadabbur-e-Quran · 52. At-Tur · Ayah 47
وَ اِنَّ لِلَّذِیْنَ ظَلَمُوْا عَذَابًا دُوْنَ ذٰلِكَ وَ لٰكِنَّ اَكْثَرَهُمْ لَا یَعْلَمُوْنَ﴿47﴾
- وَاِنَّ لِلَّذِيْنَاور بیشک ان لوگوں کے لیے
- ظَلَمُوْاجنہوں نے ظلم کیا
- عَذَابًاعذاب ہے
- دُوْنَ ذٰلِكَاس کے علاوہ
- وَلٰكِنَّ اَكْثَرَهُمْلیکن ان میں سے اکثر
- لَا يَعْلَمُوْنَعلم نہیں رکھتے
Translation · Tadabbur-e-Quran
اور ان ظالموں کے لیے اس کے سوا بھی عذاب ہے لیکن ان کی اکثریت اس کو نہیں جانتی۔
Tafseer · Tadabbur-e-Quran
(وان للذین ظلموا عذابا دون ذلک ولکن اکثرھم لا یعلمون) (47)
(اس عذاب کی طرف اشارہ مکذبین رسول پر دنیا میں آتا ہے)۔۔ یعنی آخرت کا عذاب تو ہے ہی، ان ظالموں کے لیے ایک عذاب اس سے پہلے بھی ہے لیکن ان کی اکثریت اس سے بیخبر ہے۔ یہ اشارہ اسی عذاب کی طرف ہے جو سنت الٰہی کے مطابق ان لوگوں پر ہمیشہ آیا ہے جنہوں نے اپنے رسول کی تکذیب کی اور اس پر اڑے رہ گئے۔ اس سنت الٰہی کی وضاحت ہم جگہ جگہ کرتے آ رہے ہیں، یہ عذاب قریش کے مکذبین پر بھی آیا اور وہ سب نبی ﷺ کی حیات مبارکہ ہی میں ذلیل و پا مال ہوگئے۔