تدبرِ قرآن

’یَعْلَم‘ یہاں اسی مفہوم میں آیا ہے جس مفہوم میں ’حَتّٰی نَعْلَمَ الْمُجَاہِدِیْنَ مِنۡکُمْ‘ (محمد ۴۷: ۳۱) اور اس مفہوم کی دوسری آیتوں میں آیا ہے۔ اسی مفہوم میں ’لِنَنْظُرَ کَیْْفَ تَعْمَلُوْنَ‘ (یونس ۱۰: ۱۴) میں لفظ ’نَنْظُرَ‘ بھی آیا ہے۔ اللہ تعالیٰ یوں تو جانتا سب کچھ ہے لیکن وہ چاہتا ہے کہ جس کے باطن میں جو کچھ ہے وہ باہر آئے اور وہ اچھی طرح اس کا امتحان کر لے۔ ’وَاَحَاطَ بِمَا لَدَیْْہِمْ وَأَحْصٰی کُلَّ شَیْءٍ عَدَدًا‘۔ یعنی وہ رسول کی تحویل میں جو امانت اپنے دین اور اپنی وحی کی دیتا ہے اس کو پوری طرح اپنی نگرانی میں رکھتا ہے۔ ایک ایک چیز کو گنے ہوئے ہوتا ہے۔ مجال نہیں ہے کہ کوئی چھوٹی سے چھوٹی چیز بھی اس کے شمار سے رہ جائے۔