تفہیم القرآن
Tafheem-ul-Quran · 18. Al-Kahf · Ayah 95
قَالَ مَا مَكَّنِّیْ فِیْهِ رَبِّیْ خَیْرٌ فَاَعِیْنُوْنِیْ بِقُوَّةٍ اَجْعَلْ بَیْنَكُمْ وَ بَیْنَهُمْ رَدْمًاۙ﴿95﴾
- قَالَاس نے کہا
- مَا مَكَّنِّيْجس پر قدرت دی مجھے
- فِيْهِاس میں
- رَبِّيْمیرا رب
- خَيْرٌبہتر
- فَاَعِيْنُوْنِيْپس تم میری مدد کرو
- بِقُوَّةٍقوت سے
- اَجْعَلْمیں بنادوں گا
- بَيْنَكُمْتمہارے درمیان
- وَبَيْنَهُمْاور ان کے درمیان
- رَدْمًامضبوط آڑ
Translation · Tafheem-ul-Quran
اُس نے کہا”جو کچھ میرے ربّ نے مجھے دے رکھا ہے وہ بہت ہے۔ تم بس محنت سے میری مدد کرو، میں تمہارے اور ان کے درمیان بند بنائے دیتا ہوں۔ 70
Tafseer · Tafheem-ul-Quran
سورة الْكَهْف 70
یعنی فرمانروا ہونے کی حیثیت سے میرا یہ فرض ہے کہ اپنی رعایا کو غارت گروں کے حملے سے بچاؤں۔ اس ملک کے لیے تم پر کوئی الگ ٹیکس لگانا میرے لیے جائز نہیں ہے۔ ملک کا جو خزانہ اللہ تعالیٰ نے میرے حوالے کیا ہے وہ اس خدمت کے لیے کافی ہے۔ البتہ ہاتھ پاؤں کی محنت سے تم کو میری مدد کرنی ہوگی۔