تفہیم القرآن
Tafheem-ul-Quran · 3. Aal-i-Imraan · Ayah 180
وَ لَا یَحْسَبَنَّ الَّذِیْنَ یَبْخَلُوْنَ بِمَاۤ اٰتٰىهُمُ اللّٰهُ مِنْ فَضْلِهٖ هُوَ خَیْرًا لَّهُمْ١ؕ بَلْ هُوَ شَرٌّ لَّهُمْ١ؕ سَیُطَوَّقُوْنَ مَا بَخِلُوْا بِهٖ یَوْمَ الْقِیٰمَةِ١ؕ وَ لِلّٰهِ مِیْرَاثُ السَّمٰوٰتِ وَ الْاَرْضِ١ؕ وَ اللّٰهُ بِمَا تَعْمَلُوْنَ خَبِیْرٌ۠ع﴿180﴾
- وَلَااور نہ
- يَحْسَبَنَّہرگز خیال کریں
- الَّذِيْنَجو لوگ
- يَبْخَلُوْنَبخل کرتے ہیں
- بِمَآمیں۔ جو
- اٰتٰىھُمُانہیں دیا
- اللّٰهُاللہ
- مِنْ فَضْلِھٖاپنے فضل سے
- ھُوَوہ
- خَيْرًابہتر
- لَّھُمْان کے لیے
- بَلْبلکہ
- ھُوَوہ
- شَرٌّبرا
- لَّھُمْانکے لیے
- سَيُطَوَّقُوْنَعنقریب طوق پہنایا جائے گا
- مَاجو
- بَخِلُوْاانہوں نے بخل کیا
- بِهٖاس میں
- يَوْمَدن
- الْقِيٰمَةِقیامت
- وَلِلّٰهِاور اللہ کے لیے
- مِيْرَاثُوارث
- السَّمٰوٰتِآسمانوں
- وَالْاَرْضِاور زمین
- وَاللّٰهُاور اللہ
- بِمَا تَعْمَلُوْنَجو تم کرتے ہو
- خَبِيْرٌباخبر
Translation · Tafheem-ul-Quran
جن لوگوں کو اللہ نے اپنے فضل سے نوازا ہے اور پھر وہ بخل سے کام لیتےہیں وہ اس خیال میں نہ رہیں کہ یہ بخیلی ا ن کےلیے اچھی ہے۔ نہیں، یہ ان کے حق میں نہایت بری ہے۔ جو کچھ وہ اپنی کنجوسی سے جمع کررہے ہیں وہی قیامت کے روز ان کے گلے کا طوق بن جائے گا۔ زمین اور آسمانوں کی میراث اللہ ہی کے لیے ہے127 اور تم جو کچھ کرتے ہو اللہ اس سے باخبر ہے
Tafseer · Tafheem-ul-Quran
سورة اٰلِ عِمْرٰن 127
یعنی زمین و آسمان کی جو چیز بھی کوئی مخلوق استعمال کر رہی ہے وہ دراصل اللہ کی ملک ہے اور اس پر مخلوق کا قبضہ و تصرف عارضی ہے۔ ہر ایک اپنے مقبوضات سے بہرحال بےدخل ہونا ہے اور آخر کار سب کچھ اللہ ہی کے پاس رہ جانے والا ہے۔ لہٰذا عقل مند ہے وہ جو اس عارضی قبضہ کے دوران میں اللہ کے مال کو اللہ کی راہ میں دل کھول کر صرف کرتا ہے۔ اور سخت بیوقوف ہے وہ جو اسے بچا بچا کر رکھنے کی کوشش کرتا ہے۔