تفہیم القرآن
Tafheem-ul-Quran · 3. Aal-i-Imraan · Ayah 200
یٰۤاَیُّهَا الَّذِیْنَ اٰمَنُوا اصْبِرُوْا وَ صَابِرُوْا وَ رَابِطُوْا١۫ وَ اتَّقُوا اللّٰهَ لَعَلَّكُمْ تُفْلِحُوْنَ۠ع﴿200﴾
- يٰٓاَيُّھَااے
- الَّذِيْنَ اٰمَنُواایمان والو
- اصْبِرُوْاتم صبر کرو
- وَصَابِرُوْااور مقابلہ میں مضبوط رہو
- وَرَابِطُوْااور جنگ کی تیاری کرو
- وَاتَّقُوااور ڈرو
- اللّٰهَاللہ
- لَعَلَّكُمْتاکہ تم
- تُفْلِحُوْنَمراد کو پہنچو
Translation · Tafheem-ul-Quran
اے لوگو جو ایمان لائے ہو ، صبر سے کام لو، باطل پرستوں کے مقابلہ میں پامردی دکھاؤ،141 حق کی خدمت کے لیے کمر بستہ رہو، اور اللہ سے ڈرتے رہو ، امید ہے کہ فلاح پاؤ گے
Tafseer · Tafheem-ul-Quran
سورة اٰلِ عِمْرٰن 141
اصل عربی متن میں صابِرُوْا کا لفظ آیا ہے۔ اس کے دو معنی ہیں۔ ایک یہ کہ کفار اپنے کفر پر جو مضبوطی دکھا رہے ہیں اور اس کو سربلند رکھنے کے لیے جو زحمتیں اٹھا رہے ہیں تم ان کے مقابلے میں ان سے بڑھ کر پامردی دکھاؤ۔ دوسرے یہ کہ ان کے مقابلہ میں ایک دوسرے سے بڑھ کر پامردی دکھاؤ۔