تفہیم القرآن
Tafheem-ul-Quran · 3. Aal-i-Imraan · Ayah 39
Tafseerفَنَادَتْهُ الْمَلٰٓئِكَةُ وَ هُوَ قَآئِمٌ یُّصَلِّیْ فِی الْمِحْرَابِ١ۙ اَنَّ اللّٰهَ یُبَشِّرُكَ بِیَحْیٰى مُصَدِّقًۢا بِكَلِمَةٍ مِّنَ اللّٰهِ وَ سَیِّدًا وَّ حَصُوْرًا وَّ نَبِیًّا مِّنَ الصّٰلِحِیْنَ﴿39﴾
- فَنَادَتْهُتو آواز دی اس کو
- الْمَلٰٓئِكَةُفرشتہ (جمع)
- وَھُوَاور وہ
- قَآئِمٌکھڑے ہوئے
- يُّصَلِّيْنماز پڑھنے
- فِيمیں
- الْمِحْرَابِمحراب (حجرہ)
- اَنَّ اللّٰهَکہ اللہ
- يُبَشِّرُكَتمہیں خوشخبری دیتا ہے
- بِيَحْيٰىیحییٰ کی
- مُصَدِّقًاتصدیق کرنیوالا
- بِكَلِمَةٍحکم
- مِّنَسے
- اللّٰهِاللہ
- وَسَيِّدًااور سردار
- وَّحَصُوْرًااور نفس کو قابو رکھنے والا
- وَّنَبِيًّااور نبی
- مِّنَسے
- الصّٰلِحِيْنَنیکو کار (جمع)
Translation · Tafheem-ul-Quran
جواب میں فرشتوں نے آواز دی ، جب کہ وہ محراب میں کھڑا نماز پڑھ رہاتھا، کہ”اللہ تجھے یحی38یٰ کی خوشخبری دیتا ہے۔ وہ اللہ کی طرف سے ایک فرمان39 کی تصدیق کرنے والا بن کر آئے گا۔ اس میں سرداری و بزرگی کی شان ہو گی۔ کمال درجہ کا ضابط ہو گا۔ نبّوت سے سرفراز ہو گا اور صالحین میں شمار کیا جائے گا
Tafseer · Tafheem-ul-Quran
سورة اٰلِ عِمْرٰن 38
بائیبل میں ان کا نام ”یوحنا بپتسمہ دینے والا“ (John theBaptist) لکھا ہے۔ ان کے حالات کے لیے ملاحظہ ہو متی باب 3 و 11 و 14۔ مرقس باب 1 و 6۔ لوقاباب 1 و 3۔
سورة اٰلِ عِمْرٰن 39
اللہ کے ”فرمان“ سے مراد حضرت عیسیٰ ؑ ہیں۔ چونکہ ان کی پیدائش اللہ تعالیٰ کے ایک غیر معمولی فرمان سے خرق عادت کے طور پر ہوئی تھی اس لیے ان کو قرآن مجید میں ”کَلِمَةٌ مِّنَ اللہ“ کہا گیا ہے۔