تفہیم القرآن
Tafheem-ul-Quran · 39. Az-Zumar · Ayah 55
وَ اتَّبِعُوْۤا اَحْسَنَ مَاۤ اُنْزِلَ اِلَیْكُمْ مِّنْ رَّبِّكُمْ مِّنْ قَبْلِ اَنْ یَّاْتِیَكُمُ الْعَذَابُ بَغْتَةً وَّ اَنْتُمْ لَا تَشْعُرُوْنَۙ﴿55﴾
- وَاتَّبِعُوْٓااور پیروی کرو
- اَحْسَنَسب سے بہتر
- مَآ اُنْزِلَجو نازل کی گئی
- اِلَيْكُمْتمہاری طرف
- مِّنْسے
- رَّبِّكُمْتمہارا رب
- مِّنْ قَبْلِاس سے قبل
- اَنْ يَّاْتِيَكُمُکہ تم پر آئے
- الْعَذَابُعذاب
- بَغْتَةًاچانک
- وَّاَنْتُمْاور تم
- لَا تَشْعُرُوْنَتم کو شعور (خبر) نہ ہو
Translation · Tafheem-ul-Quran
اور پیروی اختیار کر لو اپنے ربّ کی بھیجی ہوئی کتاب کے بہترین پہلو کی 72 ، قبل اِس کے کہ تم پر اچانک عذاب آئے اور تم کو خبر بھی نہ ہو
Tafseer · Tafheem-ul-Quran
سورة الزُّمَر 72
کتاب اللہ بہترین پہلو کی پیروی کرنے کا مطلب یہ کہ اللہ تعالیٰ نے جن کاموں کا حکم دیا ہے آدمی ان کی تعمیل کرے، جن کاموں سے اس نے منع کیا ہے ان سے بچے، اور امثال اور قصوں میں جو کچھ اس نے ارشاد فرمایا ہے اس سے عبرت اور نصیحت حاصل کرے۔ بخلاف اس کے جو شخص حکم سے منہ موڑتا ہے، منہیات کا ارتکاب کرتا ہے اور اللہ کے وعظ و نصیحت سے کوئی اثر نہیں لیتا وہ کتاب اللہ کے بدترین پہلو کو اختیار کرتا ہے، یعنی وہ پہلو اختیار کرتا ہے جسے کتاب اللہ بدترین قرار دیتی ہے۔