آسان قرآن
Aasan Quran · 27. An-Naml · Ayah 17
وَ حُشِرَ لِسُلَیْمٰنَ جُنُوْدُهٗ مِنَ الْجِنِّ وَ الْاِنْسِ وَ الطَّیْرِ فَهُمْ یُوْزَعُوْنَ﴿17﴾
- وَحُشِرَاور جمع کیا گیا
- لِسُلَيْمٰنَسلیمان کے لیے
- جُنُوْدُهٗاس کا لشکر
- مِنَسے
- الْجِنِّجن
- وَالْاِنْسِاور انسان
- وَالطَّيْرِاور پرندے
- فَهُمْپس وہ
- يُوْزَعُوْنَروکے جاتے تھے
Translation · Aasan Quran
اور سلیمان کے لیے ان کے سارے لشکر جمع کردیے گئے تھے جو جنات، انسانوں اور پرندوں پر مشتمل تھے، چنانچہ انہیں قابو میں رکھا جاتا تھا۔ (9)
Tafseer · Aasan Quran
9: یہاں بتانا یہ مقصود ہے کہ اللہ تعالیٰ نے حضرت سلیمان ؑ کو جو سلطنت عطا فرمائی تھی، وہ صرف انسانوں پر ہی نہیں، بلکہ جنات اور پرندوں پر بھی تھی، چنانچہ جب ان کا لشکر چلتا تھا تو اس میں جنات، انسان اور پرندے سب شامل ہوتے تھے، اور اس طرح لشکر کے افراد اتنے زیادہ ہوجاتے تھے کہ انہیں قابو میں رکھنے کا خاص اہتمام کرنا پڑتا تھا، لیکن نظم و ضبط پھر بھی قائم رہتا تھا۔