آسان قرآن
Aasan Quran · 35. Faatir · Ayah 43
اِ۟سْتِكْبَارًا فِی الْاَرْضِ وَ مَكْرَ السَّیِّئِ١ؕ وَ لَا یَحِیْقُ الْمَكْرُ السَّیِّئُ اِلَّا بِاَهْلِهٖ١ؕ فَهَلْ یَنْظُرُوْنَ اِلَّا سُنَّتَ الْاَوَّلِیْنَ١ۚ فَلَنْ تَجِدَ لِسُنَّتِ اللّٰهِ تَبْدِیْلًا١ۚ۬ وَ لَنْ تَجِدَ لِسُنَّتِ اللّٰهِ تَحْوِیْلًا﴿43﴾
- اسْتِكْبَارًااپنے کو بڑا سمجھنے کے سبب
- فِي الْاَرْضِزمین (دنیا) میں
- وَمَكْرَاور چال
- السَّيِّئُبری
- وَلَا يَحِيْقُاور نہیں اٹھتا (الٹا پڑتا)
- الْمَكْرُچال
- السَّيِّئُبری
- اِلَّاصرف
- بِاَهْلِهٖ ۭاس کے کرنے والے پر
- فَهَلْتو کیا
- يَنْظُرُوْنَوہ انتظار کر رہے ہیں
- اِلَّامگر صرف
- سُنَّتَدستور
- الْاَوَّلِيْنَ ۚپہلے
- فَلَنْ تَجِدَسو تم ہرگز نہ پاؤ گے
- لِسُنَّتِ اللّٰهِاللہ کے دستور میں
- تَبْدِيْلًا ڬکوئی تبدیلی
- وَلَنْ تَجِدَاور تم ہرگز نہ پاؤ گے
- لِسُنَّتِ اللّٰهِاللہ کے دستور میں
- تَحْوِيْلًاکوئی تغیر
Translation · Aasan Quran
اس لیے کہ انہیں زمین میں اپنی بڑائی کا گھمنڈ تھا، اور انہوں نے (حق کی مخالفت میں) بری بری چالیں چلنی شروع کردیں۔ حالانکہ بری چالیں کسی اور کو نہیں خود اپنے چلنے والوں ہی کو گھیرے میں لے لیتی ہیں۔ (13) اب یہ لوگ اس دستور کے سوا کس بات کے منتظر ہیں جس پر پچھلے لوگوں کے ساتھ عمل ہوتا آیا ہے ؟ (14) (اگر یہ بات ہے) تو تم اللہ کے طے شدہ دستور میں کبھی کوئی تبدیلی نہیں پاؤ گے، اور نہ تم اللہ کے طے شدہ دستور کو کبھی ٹلتا ہوا پاؤ گے۔ (15)
Tafseer · Aasan Quran
13: بدنیتی سے کسی کے خلاف جو ناحق تدبیریں کی جاتی ہیں، اکثر تو دنیا ہی میں وہ الٹی پڑجاتی ہیں، اور ان کا نقصان خود تدبیر کرنے والے کو اٹھانا پڑتا ہے، چنانچہ کافروں نے آنحضرت ﷺ کے خلاف جو چالیں چلی تھیں، وہ آخر کار انہی کے خلاف پڑیں، اور اگر کبھی دنیا میں نقصان اٹھانا نہ پڑے تو ان بری تدبیروں کا عذاب آخرت میں تو ہوتا ہی ہے جو دنیا کے عذاب سے زیادہ سخت ہے۔