آسان قرآن
Aasan Quran · 53. An-Najm · Ayah 32
اَلَّذِیْنَ یَجْتَنِبُوْنَ كَبٰٓئِرَ الْاِثْمِ وَ الْفَوَاحِشَ اِلَّا اللَّمَمَ١ؕ اِنَّ رَبَّكَ وَاسِعُ الْمَغْفِرَةِ١ؕ هُوَ اَعْلَمُ بِكُمْ اِذْ اَنْشَاَكُمْ مِّنَ الْاَرْضِ وَ اِذْ اَنْتُمْ اَجِنَّةٌ فِیْ بُطُوْنِ اُمَّهٰتِكُمْ١ۚ فَلَا تُزَكُّوْۤا اَنْفُسَكُمْ١ؕ هُوَ اَعْلَمُ بِمَنِ اتَّقٰى۠ع﴿32﴾
- اَلَّذِيْنَوہ لوگ
- يَجْتَنِبُوْنَجو اجتناب برتتے ہیں
- كَبٰٓئِرَ الْاِثْمِبڑے گناہوں سے
- وَالْفَوَاحِشَاور بےحیائی کی باتوں سے
- اِلَّا اللَّمَمَ ۭمگر چھوٹے گناہ
- اِنَّ رَبَّكَبیشک رب تیرا
- وَاسِعُ الْمَغْفِرَةِ ۭوسیع مغفرت والا ہے
- هُوَ اَعْلَمُ بِكُمْوہ زیادہ جانتا ہے تم کو
- اِذْ اَنْشَاَكُمْجب اس نے پیدا کیا تم کو
- مِّنَ الْاَرْضِزمین سے
- وَاِذْ اَنْتُمْاور جب تم
- اَجِنَّةٌناپختہ بچے تھے۔ جنین
- فِيْ بُطُوْنِپیٹوں میں
- اُمَّهٰتِكُمْ ۚاپنی ماؤں کے
- فَلَا تُزَكُّوْٓاپس نہ تم پاک ٹھہراؤ
- اَنْفُسَكُمْ ۭاپنے نفسوں کو
- هُوَ اَعْلَمُوہ زیادہ جانتا ہے
- بِمَنِ اتَّقٰىاس کو جو تقوی اختیار کرے
Translation · Aasan Quran
ان لوگوں کو جو بڑے بڑے گناہوں اور بےحیائی کے کاموں سے بچتے ہیں، البتہ کبھی کبھار پھسل جانے کی بات اور ہے۔ (16) یقین رکھو تمہارا پروردگار بہت وسیع مغفرت والا ہے، وہ تمہیں خوب جانتا ہے جب اس نے تمہیں زمین سے پیدا کیا، اور جب تم اپنی ماؤں کے پیٹ میں بچے تھے، لہذا تم اپنے آپ کو پاکیزہ نہ ٹھہراؤ، وہ خوب جانتا ہے کہ کون متقی ہے۔ (17)
Tafseer · Aasan Quran
16: قرآن کریم میں اصل لفظ لمم استعمال ہوا ہے، اس کے لفظی معنی ہیں تھوڑاسا، چنانچہ عام طور سے مفسرین نے اس کا یہ مطلب لیا ہے کہ وہ چھوٹے چھوٹے گناہ جو کبھی سرزد ہوجائیں، اور لمم کے معنی قریب ہونے کے بھی ہوتے ہیں، اس لحاظ سے بعض مفسرین نے اس لفظ کی تشریح یہ کی ہے کہ اس سے مراد یہ ہے کہ انسان کسی گناہ کے قریب چلا جائے مگر اس کا ارتکاب نہ کرے۔
17: اس آیت میں اپنے آپ کو مقدس اور متقی سمجھنے اور اپنی تعریفیں کرتے رہنے سے منع کیا گیا ہے۔