Anwar-ul-Bayan - Hud : 75
اِنَّ اِبْرٰهِیْمَ لَحَلِیْمٌ اَوَّاهٌ مُّنِیْبٌ
اِنَّ : بیشک اِبْرٰهِيْمَ : ابراہیم لَحَلِيْمٌ : بردبار اَوَّاهٌ : نرم دل مُّنِيْبٌ : رجوع کرنے والا
بیشک ابراہیم بڑے تحمل والے ' نرم دل اور رجوع کرنیوالے تھے۔
(11:75) اواہ بروزن فعال۔ مبالغہ کا صیغہ ہے بہت آہ آہ کرنے والا اپنے گناہوں پر دوسروں کی غم خواری میں۔ گڑگڑا کر کثرت سے دعائیں کرنے والا۔ رحم دل۔ کثرت سے اللہ کا ذکر کرنے والا۔ منیب۔ اسم فاعل واحد مذکر۔ انابۃ مصدر (باب افعال) نوب مادہ۔ اللہ کی طرف رجوع کرنے والا۔ خلوص کے ساتھ توبہ کرنے والا۔ ہر طرف سے مڑ کر اللہ کی طرف لوٹنے والا۔ ناب ینوب (نصر) کسی چیز کا بار بار لوٹنا۔۔ نوبۃ کا بھی یہی معنی ہے۔ نائیۃ وہ مصیبت جو بار بار لوٹتی ہے۔
Top