Anwar-ul-Bayan

هُوَ الَّذِیْ خَلَقَ لَكُمْ مَّا فِی الْاَرْضِ جَمِیْعًا١ۗ ثُمَّ اسْتَوٰۤى اِلَى السَّمَآءِ فَسَوّٰىهُنَّ سَبْعَ سَمٰوٰتٍ١ؕ وَ هُوَ بِكُلِّ شَیْءٍ عَلِیْمٌ۠ ۧ

ھُوَ : وہی ہے الَّذِىْ : جس نے خَلَقَ : پیدا کیا لَكُمْ : واسطے تمہارے مَّا : جو کچھ ہے فِى الْاَرْضِ : زمین میں جَمِيْعًا : سارے کا سارا / سب کچھ ثُمَّ : پھر اسْتَوٰٓى : وہ متوجہ ہوا / ارادہ کیا اِلَى : طرف السَّمَآءِ : آسمان کے فَسَوّٰىھُنَّ : پس برابر کردیا ان کو / درست بنایا ان کو / ہموار کیا ان کو سَبْعَ : سات سَمٰوٰتٍ : آسمانوں کو وَ : اور ھُوَ : وہ بِكُلِّ : ساتھ ہر شَىْءٍ : چیز کے عَلِيْمٌ : خوب علم والا ہے

وہی تو ہے جس نے سب چیزیں جو زمین میں ہیں تمہارے لئے پیدا کیں پھر آسمانوں کی طرف متوجہ ہوا تو ان کو ٹھیک سات آسمان بنادیا اور وہ ہر چیز سے خبردار ہے،

(2:29) ثم استوی الی السماء پھر وہ آسمان کی طرف متوجہ ہوا۔ ثم کی بحث کے لئے آیت (2:28) متذکرہ بالا ملاحظہ ہو۔ یہاں تراخی فی المرتبۃ کے لئے استعمال ہوا ہے۔ اس سے بڑھ کر، مزید برآں۔ استوی : اس نے قصد کیا۔ اس نے قرار پکڑا۔ وہ قائم ہوا۔ وہ سنبھل گیا۔ وہ چڑھا۔ وہ سیدھا ہوا کر بیٹھا۔ استواء (افتعال) مصدر سے۔ ماضی واحد مذکر غائب کا صیغہ ہے۔ استوی کے جب وہ فاعل ہوتے تو اس کے معنی دونوں کے برابر اور مساوی ہونے کے آتے ہیں ۔ جیسے لا یستوی اصحب النار واصحب الجنۃ (59:20) اہل دوزخ اور اہل جنت برابر نہیں۔ اور اگر فاعل دونہ ہوں تو سنبھلنے، درست ہونے، اور سیدھے ہونے کے معنی آتے ہیں جیسے فاستوی (6) وھو بالافق الاعلی (7) (53:6-7) پھر سیدھا بیٹھا اور وہ آسمان کے اونچے کنارے پر تھا۔ اور ولما بلغ اشدہ واستوی (28:14) جب وہ پہنچ گیا اپنے زور پر اور سنبھل گیا۔ اس صورت میں استوی کے معنی کسی شے کا اعتدال ذاتی مراد ہے۔ جب اس کا تعدیہ علی کے ساتھ ہو تو اس کے معنی چڑھنے، قرار پکڑنے اور قائم ہونے کے آتے ہیں۔ جیسے واستوت علی الجودی (11:44) اور وہ (کشتی) جودی پہاڑ پر جا ٹھہری یا جالگی۔ اور لتستو علی ظھورہ (43:13) تاکہ تم ان کی پیٹھ پر چڑھ بیٹھو۔ اور جب اس کی تعدیہ الی کے ساتھ ہو تو اس کے معنی قصد کرنے اور پہنچنے کے ہوتے ہیں۔ جیسے آیۃ ہذا میں ۔ ثم استوی الی السمائَ پھر اس نے قصد کیا آسمان کی طرف ۔ پھر اس نے توجہ کی آسمان کی طرف۔ فسوھن۔نتیجہ کا ہے سوی ماضی واحد مذکر غائب ۔ تسویۃ (تفعیل) مصدر اس نے پورا پورا بنایا۔ ھن ضمیر جمع مؤنث غائب جس کا مرجع السماء ہے۔ سبع سموات سات آسمان۔ یہ ھن کا بدل ہے۔

Top