Anwar-ul-Bayan

وَ اٰمِنُوْا بِمَاۤ اَنْزَلْتُ مُصَدِّقًا لِّمَا مَعَكُمْ وَ لَا تَكُوْنُوْۤا اَوَّلَ كَافِرٍۭ بِهٖ١۪ وَ لَا تَشْتَرُوْا بِاٰیٰتِیْ ثَمَنًا قَلِیْلًا١٘ وَّ اِیَّایَ فَاتَّقُوْنِ

وَاٰمِنُوْا : اور ایمان لاؤ بِمَا : اس پر جو اَنْزَلْتُ : میں نے نازل کیا مُصَدِّقًا : تصدیق کرنے والا لِمَا : اس کی جو مَعَكُمْ : تمہارے پاس وَلَا تَكُوْنُوْا : اور نہ ہوجاؤ اَوَّلَ کَافِرٍ : پہلے کافر بِهٖ : اس کے وَلَا تَشْتَرُوْا : اور عوض نہ لو بِآيَاتِیْ : میری آیات کے ثَمَنًا : قیمت قَلِیْلًا : تھوڑی وَاِيَّايَ : اور مجھ ہی سے فَاتَّقُوْنِ : ڈرو

اور جو کتاب میں نے (اپنے رسول محمد ﷺ پر) نازل کی ہے جو تمہاری کتاب (تورات) کو سچا کہتی ہے اس پر ایمان لاؤ اور اس سے منکر اول نہ بنو اور میری آیتوں میں (تحریف کر کے) ان کے بدلے تھوڑی سی قیمت (یعنی دنیاوی منفعت) نہ حاصل کرو اور مجھی سے خوف رکھو

(2:41) ما انزلت ۔ ما موصولہ اور انزلت اس کا صلہ، اس کی تقدیر یوں ہے۔ بما انزلتہ جو میں نے نازل کیا ہے یعنی قرآن مجید۔ مصدقا۔ اسم فاعل واحد مذکر منصوب تصویق (تفعیل) مصدر سے ۔ سچا ماننے والا، سچا کہنے والا ۔ تصدیق کرنے والا۔ یہ حال مؤکد ہے حال محذوفہ سے جو کہ انزلت میں ہے ای انزلتہ مصدقا۔ ما معکم ، ما موصولہ معکم مضاف مضاف الیہ مل کر صلہ اپنے موصول کا۔ مراد اس سے تورات ہے۔ بہ میں ہ ضمیر واحد مذکر غائب کا مرجع ما انزلتہ ہے، یعنی قرآن مجید۔ لاتشتروا۔ فعل نہی جمع مذکر حاضر۔ اشتراء (افتصال) مصدر۔ تم مت خریدو۔ تم مت مول لو ولا تشتروا بایتی ثمنا قلیلا اور میری آیات میں (تحریف کرکے) ان کے بدلے تھوڑی قیمت (یعنی دنیاوی منفعت) نہ حاصل کرو۔ اس کا یہ مطلب نہیں کہ زیادہ قیمت کے عوض ایسا کرنا روا ہے بلکہ اسی کا مطلب یہ ہے کہ ایسا کرکے جو قیمت بھی وصول کرو گے وہ حقیر ہے۔ کیونکہ دنیا کا مال خواہ کتنا ہی ہو۔ ّخرت کی لذات کے مقابلہ میں وہ لاشی اور حقیر ہے۔ قرآن مجید میں ہے فلما متاع الحیوۃ الدنیا فی الاخرۃ الا قلیل (9:38) سو دنیا کی زندگی کا سامان آخرت کے مقابلہ میں تو بہت ہی قلیل ہے۔ وایای فاتقون۔ اور مجھ ہی سے ڈرتے رہا کرو (ملاحظہ ہو 2:40) پہلی آیت میں فارھبون فرمایا کیونکہ خطاب بنی اسرائیل کے لوگوں سے تھا۔ اور یہود میں جو خدا ترس تھے ان کو راہب کہتے تھے۔ بعد میں ایای فاتقون ۔ ارشاد ہوا کیونکہ جب وہ راہب ایمان لاکر امت محمدیہ میں داخل ہوجائیں گے تو امت محمدیہ میں خدا ترس کو متقی کہتے ہیں۔

Top