Mutaliya-e-Quran

اَلَمْ تَرَ اِلَى الَّذِیْنَ خَرَجُوْا مِنْ دِیَارِهِمْ وَ هُمْ اُلُوْفٌ حَذَرَ الْمَوْتِ١۪ فَقَالَ لَهُمُ اللّٰهُ مُوْتُوْا١۫ ثُمَّ اَحْیَاهُمْ١ؕ اِنَّ اللّٰهَ لَذُوْ فَضْلٍ عَلَى النَّاسِ وَ لٰكِنَّ اَكْثَرَ النَّاسِ لَا یَشْكُرُوْنَ

اَلَمْ تَرَ : کیا تم نے نہیں دیکھا اِلَى : طرف الَّذِيْنَ : وہ لوگ جو خَرَجُوْا : نکلے مِنْ : سے دِيَارِھِمْ : اپنے گھر (جمع) وَھُمْ : اور وہ اُلُوْفٌ : ہزاروں حَذَرَ : ڈر الْمَوْتِ : موت فَقَالَ : سو کہا لَهُمُ : انہیں اللّٰهُ : اللہ مُوْتُوْا : تم مرجاؤ ثُمَّ : پھر اَحْيَاھُمْ : انہیں زندہ کیا اِنَّ : بیشک اللّٰهَ : اللہ لَذُوْ فَضْلٍ : فضل والا عَلَي النَّاسِ : لوگوں پر وَلٰكِنَّ : اور لیکن اَكْثَرَ : اکثر النَّاسِ : لوگ لَا يَشْكُرُوْنَ : شکر ادا نہیں کرتے

اِلّا یہ کہ کسی نے قصور کیا ہو پھر اگر برائی کے بعد اُس نے بھَلائی سے اپنے فعل کو بدل لیا تو میں معاف کرنے والا مہربان ہوں

اِلَّا [ مگر ] مَنْ [ جس نے ] ظَلَمَ [ ظلم کیا ] ثُمَّ [ پھر ] بَدَّلَ [ بدلہ میں کی ] حُسْـنًۢا [ نیکی ] بَعْدَ سُوْۗءٍ [ برائی کے بعد ] فَاِنِّىْ [ تو بیشک میں ] غَفُوْرٌ [ بےانتہا بخشنے والا ہوں ] رَّحِيْمٌ [ ہمیشہ رحم کرنے والا ہوں ] نوٹ۔ 2: آیت ۔ 11 ۔ کے دو مطلب ہوسکتے ہیں ۔ ایک یہ کہ پچھلی آیت میں انبیاء (علیہ السلام) پر خوف نہ ہونے کا ذکر تھا، پھر بسبیل تذکرہ ان لوگوں کا بھی ذکر کردیا جن پر خوف طاری ہونا چاہیے، یعنی وہ لوگ جن سے کوئی خطا سرزد ہوئی پھر توبہ کرکے نیک عمل اختیار کرلئے۔ ایسے حضرات کی اگرچہ اللہ تعالیٰ خطا معاف کردیتے ہیں مگر معانی کے بعد گناہ کے بعض آثار باقی رہنے کا احتمال ہے، اس سے یہ حضرات ہمیشہ خائف رہتے ہیں۔ دوسرا یہ کہ اللہ کے رسول ڈرا نہیں کرتے بجز ان کے جن سے کوئی خطا سرزد ہوگئی ہو پھر توبہ بھی کرلی ہو۔ اس میں اشارہ اس طرف پایا گیا کہ حضرت موسیٰ (علیہ السلام) سے بلا ارادہ ایک قبطی کا قتل ہوگیا تھا۔ وہ اگرچہ اللہ تعالیٰ نے معاف کردیا مگر اس کا یہ اثر رہ گیا کہ موسیٰ (علیہ السلام) پر خوف طاری ہوگیا۔ اگر یہ لغزش نہ ہوتی تو یہ وقتی خوف بھی نہ ہوتا۔ (معارف القرآن) ہمارے مستقل معاون اسکواڈرن لیذر (ر) حافظ عزیز احمد صاحب کی رائے میں ایک امکان یہ بھی ہے کہ حضرت موسیٰ (علیہ السلام) کا یہ خوف اسی طرح کا خوف ہو جو پہلی وحی کے وقت رسول اللہ ﷺ کو لاحق ہوا۔ آخر یہ بھی تو پہلی ہی وحی تھی۔ واللہ اعلم۔

Top