Dure-Mansoor - An-Najm : 49
وَ اَنَّهٗ هُوَ رَبُّ الشِّعْرٰىۙ
وَاَنَّهٗ : اور بیشک وہ هُوَ رَبُّ الشِّعْرٰى : وہی رب ہے شعری (ستارے) کا
اور یہ کہ وہی شعری کا رب ہے
8:۔ ابن جریر (رح) نے ابن عباس ؓ سے روایت کیا کہ (آیت ) '' وانہ ھورب الشعری '' (بلاشبہ وہ رب ہے شعری ستارے کا) فرمایا وہ ایک ستارہ ہے جن کو شعری کہا جاتا ہے۔ 9:۔ الفاکہی نے ابن عباس ؓ سے روایت کیا کہ یہ آیت خزاعہ کے بارے میں نازل ہوئی وہ لوگ شعری کی عبادت کرتے تھے اور یہ وہ ستارہ ہے جو جوزاء کے پیچھے ہوتا ہے۔ 10:۔ عبد بن حمید (رح) وابن جریر (رح) وابوالشیخ نے مجاہد (رح) سے روایت کیا کہ شعری وہ ستارہ ہے جو جو زاء کے پیچھے ہوتا ہے وہ لوگ اس کی عبادت کرتے تھے۔ 11:۔ عبدرالرزاق وعبد بن حمید وابن المنذر (رح) نے قتادہ ؓ سے روایت کیا کہ زمانہ جاہلیت میں لوگ اس ستارے کی عبادت کرتے تھے جس کو شعری کہا جاتا ہے تو یہ آیت نازل ہوئی۔
Top