Dure-Mansoor - 6 : 27

وَلَوْ : اور اگر (کبھی) تَرٰٓي : تم دیکھو اِذْ وُقِفُوْا : جب کھڑے کیے جائیں گے عَلَي : پر النَّارِ : آگ فَقَالُوْا : تو کہیں گے يٰلَيْتَنَا : اے کاش ہم نُرَدُّ وَ : واپس بھیجے جائیں اور لَا نُكَذِّبَ : نہ جھٹلائیں ہم بِاٰيٰتِ : آیتوں کو رَبِّنَا : اپنا رب وَنَكُوْنَ : اور ہوجائیں ہم مِنَ : سے الْمُؤْمِنِيْنَ : ایمان والے

اور آپ اگر اس دیکھیں جب وہ کھڑے کئے جائیں گے دوزخ پر کہیں گے ہائے ! ہماری بربادی کاش ہم واپس کردیئے جاتے اور اپنے رب کی آیات کو نہ جھٹلاتے ! اور ہم ایمان والوں میں سے ہوجاتے۔

(1) امام ابو عبید اور ابن جریر نے ابن مسعود ؓ سے روایت کیا کہ لفظ آیت یلیتنا نردولا نکذب فاء کے ساتھ یعنی اس میں واو کی جگہ لفظ آیت فلا نکذب ہے۔ (2) امام عبد الرزاق، عبد بن حمید، ابن جریر، ابن منذر، ابن ابی حاتم اور ابو الشیخ نے قتادہ (رح) سے روایت کیا کہ لفظ آیت بل بدالھم ماکانوا یخفون من قبل یعنی ان کے وہ اعمال ظاہر ہوں گے جن کو چھپاتے تھے اور فرمایا لفظ آیت ولو ردوا لعادوا لما نھوا عنہ یعنی اگر اللہ تعالیٰ ان کو پہنچا دیں دنیا میں جیسے ان کے لئے وہ دنیا تھی جس میں وہ تھے تو وہ لوٹ جائیں گے۔ اپنے اعمال کی طرف یعنی برے اعمال کی طرف جس سے وہ پہلے ہی منع کئے جاتے ہیں۔ (3) امام ابن جریر، ابن ابی حاتم اور ابو الشیخ نے سدی (رح) سے روایت کیا کہ لفظ آیت بل بدالھم ما کانوا یخفون من قبل یعنی ان کے لئے ان کے اعمال آخرت میں ظاہر ہوجائیں گے جو وہ دنیا میں جھوٹ باندھا کرتے ہیں۔ (4) امام ابن ابی حاتم نے علی کے طریق سے ابن عباس ؓ سے روایت کیا کہ اللہ سبحان نے خبر دی کہ اگر وہ لوٹا دیئے جائیں تو پھر بھی وہ ہدایت پر قادر نہ ہوں گے۔ اسی کو فرمایا لفظ آیت ولو ردوا لعادوا لمانھوا عنہ یعنی اگر وہ دنیا کی طرف لوٹا دیئے جائیں تو وہ دنیا ہدایت اور ان کے درمیان حائل ہوجائے گی جیسا کہ پہلی بار جب وہ دنیا میں تھے۔ تو ہم نے ہدایت اور ان کے درمیان اپنے حائل کردیا۔ (5) امام ابن جریر اور ابن ابی حاتم نے ابن زید (رح) سے روایت کیا کہ لفظ آیت ولو ردوا لعادوا لما نھوا عنہ اور وہ کہیں گے جب وہ لوٹیں گے۔ لفظ آیت انھی الا حیاتنا الدنیا وما نحن بمبعوثین (کہ ہماری اس دنیا کی زندگی کے بغیر اور کوئی زندگی نہیں اور نہیں اٹھائے جائیں گے۔

Top