Kashf-ur-Rahman - Hud : 16
اُولٰٓئِكَ الَّذِیْنَ لَیْسَ لَهُمْ فِی الْاٰخِرَةِ اِلَّا النَّارُ١ۖ٘ وَ حَبِطَ مَا صَنَعُوْا فِیْهَا وَ بٰطِلٌ مَّا كَانُوْا یَعْمَلُوْنَ
اُولٰٓئِكَ : یہی لوگ الَّذِيْنَ : وہ جو کہ لَيْسَ لَهُمْ : ان کے لیے نہیں فِي الْاٰخِرَةِ : آخرت میں اِلَّا النَّارُ : آگ کے سوا وَحَبِطَ : اور اکارت گیا مَا : جو صَنَعُوْا : انہوں نے کیا فِيْهَا : اس میں وَبٰطِلٌ : اور نابود ہوئے مَّا : جو كَانُوْا يَعْمَلُوْنَ : وہ کرتے تھے
یہی وہ لوگ ہیں جن کے لئے آخرت میں آتش دوزخ کے سوا اور کچھ نہیں اور جو عمل انہوں نے دنیا میں کئے تھے وہ سب نیست و نابود ہوگئے اور وہ جو کچھ کرتے رہے وہ سب بیکار ہوا
16 سو یہ ایسے لوگ ہیں کہ آخرت میں ان کے لئے بجز و دوزخ کے اور کچھ نہیں اور جو اعمال انہوں نے کئے وہ سب اکارت اور ناکارہ ہوگئے اور جو کچھ یہ کیا کرتے تھے وہ سب بیکار ثابت ہوگا یعنی یہ آگ منکروں کے لئے ابدی طورپر ہوگی اور مسلمان ریا کاروں کے لئے محدود اور معین وقت تک۔
Top