Madarik-ut-Tanzil - Aal-i-Imraan : 162
اَفَمَنِ اتَّبَعَ رِضْوَانَ اللّٰهِ كَمَنْۢ بَآءَ بِسَخَطٍ مِّنَ اللّٰهِ وَ مَاْوٰىهُ جَهَنَّمُ١ؕ وَ بِئْسَ الْمَصِیْرُ
اَفَمَنِ : تو کیا جس اتَّبَعَ : پیروی کی رِضْوَانَ : رضا (خوشنودی) اللّٰهِ : اللہ كَمَنْ : مانند۔ جو بَآءَ : لوٹا بِسَخَطٍ : غصہ کے ساتھ مِّنَ اللّٰهِ : اللہ کے وَمَاْوٰىهُ : اور اس کا ٹھکانہ جَهَنَّمُ : جہنم وَبِئْسَ : اور برا الْمَصِيْرُ : ٹھکانہ
بھلا جو شخص خدا کی خوشنودی کا تابع ہو وہ اس شخص کی طرح (مرتکب خیانت) ہوسکتا ہے ؟ جو خدا کی ناخوشی میں گرفتار ہو اور جس کا ٹھکانہ دوزخ ہے اور وہ برا ٹھکانہ ہے
مومن و کافر برابر نہیں : 162: اَفَمَنِ اتَّبَعَ رِضْوَانَ اللّٰہِ کَمَنْ 0 بَآئَ بِسَخَطٍ مِّنَ اللّٰہِ وَمَأْوٰہُ جَھَنَّمُ وَبِئْسَ الْمَصِیْرُ ۔ (بھلا وہ شخص جس نے اللہ تعالیٰ کی رضا مندی کی اتباع کی) من اتبع سے مراد مہاجرین و انصار ہیں۔ کَمَنْ 0 بَآئَ بِسَخَطٍ مِّنَ اللّٰہِ (اس شخص کی طرح ہوسکتا ہے جو اللہ تعالیٰ کی ناراضگی کے ساتھ لوٹا) مَنم بآئَ سے مراد منافقین اور کفار ہیں۔ وَمَاْوٰہُ جَھَنَّمُ وَبِئْسَ الْمَصِیْرُ (اور اس کا ٹھکانہ جہنم ہے اور جہنم بہت برا ٹھکانہ ہے)
Top