Al-Qurtubi - 7 : 97

اَفَاَمِنَ : کیا بےخوف ہیں اَهْلُ الْقُرٰٓي : بستیوں والے اَنْ : کہ يَّاْتِيَهُمْ : ان پر آئے بَاْسُنَا : ہمارا عذاب بَيَاتًا : راتوں رات وَّهُمْ : اور وہ نَآئِمُوْنَ : سوئے ہوئے ہوں

کیا بستیوں کے رہنے والے اس سے بےخوف ہیں کہ ان پر ہمارا عذاب رات کو واقع ہو اور وہ بیخبر سو رہے ہوں ؟

آیت نمبر : 97۔ 98 قولہ تعالیٰ : آیت : افامن اھل القری یہ اسفہام برائے انکار ہے۔ اور فاعاطفہ ہے۔ اس کی نظیر یہ آیت ہے : آیت : افحکم الجاھلیۃ ( المائدہ : 50) ( تو کیا وہ جاہلیت کے زمانہ کے فیصلے چاہتے ہیں ؟ ) قری سے مراد مکہ مکرمہ اور اس کے گرد ونواح کی بستیاں ہیں، کیونکہ انہوں نے ہی حضور نبی مکرم محمد مصطفیٰ ﷺ کو جھٹلایا ہے۔ اور یہ بھی کہا گیا ہے کہ یہ لفظ عام ہے اور تمام بستیوں کو شامل ہے۔ آیت : ان یاتیھم باسنا یعنی ان پر ہمارا عذاب آجائے۔ بیاتا رات کے وقت۔ آیت : وھم نائمون ( درآنحالیکہ وہ سو رہے ہوں) آیت : او امن اھل القری ان یاتیھم باسنا حرمیان اور ابن عامر نے واو کو سکون کے ساتھ پڑھا ہے اس لیے کہ یہ او عاطفہ ہے اور اباحت کے معنی پر دلالت کرتا ہے، جیسے اس آیت میں ہے : آیت : ولاتطع منھم اٰثما اوکفورا (دہر) ( اور نہ کہا مانیے ان میں سے کسی بدکار یا احسان فراموش کا) ۔ جالس الحسن اوابن سیرین ( تو حسن یا ابن سیرین کی مجالست اخیار کر ( یعنی ان دو میں سے ہر ایک کے ساتھ بیٹھنا مباح ہے) اور آیت میں معنی یہ ہے : یا وہ سزاؤں کی ان قسموں سے بےخوف اور امن میں ہوگئے ہیں، یعنی اگر تم ایک قسم سے بےخوف ہوچکے ہو تو دوسری سے بےخوف اور پر امن نہ ہو۔ اور اوکا دو چیزوں میں سے ایک کے لیے ہونا جائز ہے، جسے تیرا یہ قول ہے : ضربت زیدا اور عمرا ( میں نے زیدا کو مارا یا عمرکو ( اور باقیوں نے واو کو فتحہ کے ساتھ پڑھا ہے اور یہ ہمزہ کے بعد ہے۔ اسے واو عطف قرار دیا ہے جس پر الف استہام داخل ہے۔ اس کی نظیر یہ آیت ہے : آیت : اوکلما عھدوا عھدا (البقرہ : 100) ( کیا ( یوں نہیں) کہ جب کبھی انہوں نے وعدہ کیا ( اور آیت : ضحی وھم یلعبون کا معنی ہے : اور وہ اس حالت میں ہوں جو انہیں کوئی نفع نہ دے سکے۔ ہر وہ آدم جو ایسے کام میں لگاہو جو اس کے لیے نقصان دہ تو ہو لیکن نفع بخش نہ ہو اسے نحاس نے ذکر کیا ہے اور ” الصحاح “ میں ہے اللعب معروف ہے اور اللعب اس کی مثل ہے اور لعب یلعب اور تلعب ( لعب) یکے بعد دیگرے کھیل کود میں مصروف رہنا اور رجل تلعابۃ بہت زیادہ کھیل کود میں مصروف رہنے والا آدمی۔ اور التلعباب فتحہ کے ساتھ ہو تو یہ مصدر ہے اور جاریۃ لعوب ( بہت زیادہ کھیلنے والی لڑکی)

Top