تفسیر القرطبی

یوم اس یوم سے بدل ہے جو اس سے پہلے ہے۔ عام قرأت یخرجون ہے یاء پر فتحہ اور راء پر ضمہ ہے کیونکہ یہ معروف کا صیغہ ہے۔ سلمی، مغیرہ اور اعشی نے عاصم سے یخرجون مجہول کا صیغہ پڑھا ہے۔ الاجداث سے مراد قبریں ہیں (1) اس کا واحد جدث ہے۔ سورة یاسین میں یہ بحث گزر چکی ہے۔ سراعاً جب وہ دوسرے نغمہ کو سنیں گے تو بلانے والے کی دعوت پر لبی کہتے ہوئے جلدی جلدی نکلیں گے۔ یہ حال ہونے کی حیثیت سے منصوب ہے۔ کا نھم الی نصب یوفضون۔ عام قرأت نون کے فتحہ اور صاد کے جزم کے ساتھ ہے۔ ابن عامر اور حفص نے نون اور صاد کے ضمہ کے ساتھ اسے پڑھا ہے۔ عمرو بن میمون، ابو رجاء اور دوسرے علماء نینون کے ضمہ اور صاد کے سکون کے ساتھ اسے پڑھا ہے۔ نصب اور نصب دونوں نعمتیں ہیں جس طرح ضعف اور ضعف۔ جوہری نے کہا : نصب سے مراد وہ چیز ہے جسے کھڑا کیا جائے اور اللہ تعالیٰ کی ذات کے سوا اس کی عبادت کی جائے۔ اسی طرح نصب ہے، بعض اوقات اسے حرکت دی جاتی ہے۔ اعشی نے کہا : وذا النصب المنصوب لاتنسکنہ لعافیۃ اللہ ربک فاعبدا یہاں فاعبدن کا ارادہ کیا اور الف پر وقف کیا جس طرح تو کہتا ہے : رایت زیدا اس کی جمع انصاب آتی ہے۔ شاعر کا قول : وذا النصب یہ ایاک وذا النصب کے معنی میں ہے۔ نصب سے مراد شر اور بلاء ہے۔ شعر کا ترجمہ : نصب کئے ہوئے بت سے بچ کسی عافیت کے حصول کے لئے اس کی عبادت نہ کر، اللہ تعالیٰ تیرا رب ہے تو اسی کی عبادت کر۔ اس معنی میں اللہ تعالیٰ کا فرمان ہے : انی مسنی الشیطن بنصب و عذاب۔ (ص) اخفش اور فراء نے کہا، نصب یہ نصب کی جمع ہے جس طرح رھن کی جع رھن ہے۔ انصاب یہ نصب کی جمع ہے، یہ جمع کی جمع ہے۔ ایک قول یہ کیا گیا ہے : نصب اور انصاب دونوں ایک ہیں۔ ایک قول یہ کیا گیا ہے : نصب یہ نصاب کی جمع ہے۔ یہ ایسا پتھر یابت ہے جس پر جانوروں کو ذبح کیا جاتا ہے، اس معنی میں اللہ تعالیٰ کا فرمان ہے : وماذبح علی النصب (المائدہ : 3) ایک قول یہ کیا گیا ہے : نصب، نصب اور نصب سب ایک معنی میں ہیں جس طرح عمر، عمر اور عمر ہے نحاس نے اس کا ذکر کیا۔ حضرت ابن عباس نے کہا، الی نصب غایت تک۔ اس سے مراد وہ چیز ہے جہاں تک آپ کی نظر پہنچے۔ کلبی نے کہا : مراد ہے کھڑی کی گئی چیز جیسے جھنڈا وغیرہ (2) حضرت حسن بصری نے کہا : جب سورج طلوع ہوتا ہے تو وہ اپنے ان بتوں کی طرف جلدی کرتے ہیں جن کی وہ اللہ تعالیٰ کے سوا عبادت کرتے ہیں (1) ان کا پہلا شخص آخری کی طرف مڑ کر بھی نہیں دیکھتا۔ یوفضون۔ وہ جلدی کرتے ہیں۔ ایفاض کا معنی جلدی کرنا ہے۔ شاعر نے کہا : فوارس ذبیان تحت الحدید کالجن یوفضن من عبقر ذبیان کے شہسوارلو ہے کے نیچے جنوں کی طرح ہیں جو عبقر (جنوں کا علاقہ) سے تیزی سے نکلتے ہیں۔ عبقر ایسا علاقہ ہے عرب جس کے بارے میں گمان کرتے ہیں کہ وہ جنوں کی سر زمین ہے۔ لیث نے کہا : فضت الابل تفض وفضا اونٹ تیزی سے چلے۔ اوفضھا صاحبھا ان کے مالکوں نے انہیں تیز چلایا۔ ایفاض متعدی ہے آیت میں جو لفظ لازم ہے۔ یہ کہا جاتا ہے : وفض، ائوفض اور استوفض کا معنی جلدی کرنا ہے۔