تفسیر القرطبی

Al-Qurtubi · 95. At-Tin · Ayah 7

  1. فَمَا یُكَذِّبُكَ بَعْدُ بِالدِّیْنِؕ﴿7﴾

    1. فَمَاپس کیوں
    2. يُكَذِّبُكَتو جھٹلائے
    3. بَعْدُاس کے بعد
    4. بِالدِّيْنِدین (روزِ جزا وسزا)
Translation · Al-Qurtubi
تو (اے آدم زاد ! ) پھر تو جزا کی دن کو کیوں جھٹلاتا ہے ؟
Tafseer · Al-Qurtubi
فمایکذبک بعد بالدین۔ خطاب کافر کو ہے مقصود اسے شرمندہ کرنا اور الزام حجت ہے اے انسان جب تو نے پہچان لیا ہے کہ اللہ تعالیٰ نے تجھے احسن تقویم میں پیدا کیا وہ تجھے ارذل عمر کی طرف لوٹائے گا اور تجھے ایک حالت سے دوسری حالت کی طرف منتقل کرے گا تو وہ کون سی چیز ہے جو تجھے دوبارہ اٹھانے اور اجزا کو جھٹلانے پر برانگیختہ کرتی ہے جبکہ حضرت محمد نے تجھے اس بارے میں آگاہ کیا ایک قول یہ کیا گیا تھا کہ خطاب نبی کریم کو ہے یعنی یقین رکھیے کہ اللہ تعالیٰ کی جانب سے جو کچھ آیا ہے اس سے یہ ثابت ہوتا ہے کہ وہ احکم الحاکمین ہے یہی معنی قتادہ سے بھی منقول ہے قتادہ اور فراء نے کہا، معنی ہے اے رسول اس بیان کے بعد کون جزا کے بارے میں تجھے جھٹلاتا ہے یہ طبری کا نقطہ نظر ہے گویا فرمایا، کون اس پر قادر ہے یعنی انسان کو پیدا کرنے کی ہماری قت کے ظاہر ہونے کے باوجود کون ثواب، عقاب، دین اور جزا کے بارے میں تجھے جھٹلائے۔ شاعر نے کہا : دنا تمیما کما کا نت اوائلنا دانت اوائلھم فی سالف الزمن۔ ہم نے تمیم کو بدلہ دیا جس طرح ہمارے آباواجداد نے گزشتہ زمانہ میں ان کے آباء کو بدلہ دیا۔
Al-Qurtubi - At-Tin 95:7