طہارت کا حکم

کتاب وسنت کی رو سے طہارت واجب وفرض ہے۔فرمان الٰہی ہے:﴿وَإِن كُنتُمْ جُنُبًا فَاطَّهَّرُوا﴾’’اور اگر تم جنبی ہو تو طہارت حاصل کرو۔‘‘[1] نیز ارشاد ربانی ہے:﴿وَثِيَابَكَ فَطَهِّرْ﴾’’اور آپ اپنے کپڑے پاک رکھیں۔‘‘[2] نیز ارشاد حق تعالیٰ ہے:﴿إِنَّ اللّٰهَ يُحِبُّ التَّوَّابِينَ وَيُحِبُّ الْمُتَطَهِّرِينَ﴾ ’’بے شک اللہ بہت توبہ کرنے والوں اور پاکیزگی اختیار کرنے والوں کو پسند کرتا ہے۔‘‘[3] رسول اللہ صلی اللہ علیہ وسلم کا فرمان ہے:’مِفْتَاحُ الصَّلَاۃِ الطُّھُورُ‘ ’’نماز کی چابی طہارت(وضو)ہے۔‘‘[4] نیز فرمایا:’لَا تُقْبَلُ صَلَاۃٌ بِغَیْرِ طُھُورٍ‘ ’’وضو کے بغیر نماز قبول نہیں کی جاتی۔‘‘[5] مزید ارشاد ہے:’اَلطُّھُورُ شَطْرُ الإِْیمَانِ‘ ’’طہارت و پاکیزگی نصف ایمان ہے۔‘‘[6]