تدبرِ قرآن

آیت 46 اللہ تعالیٰ کی طرف سے تسلی اللہ تعالیٰ نے تسلی دی کہ ڈرو نہیں، میں تمہایر ساتھ ہوں اور سب کچھ سنتا دیکھتا ہوں ”میں تمہارے ساتھ ہوں کے اجمال کے اندر جو تفصیل مضمر ہے وہ محتاج بیان نہیں اور سنتا دیکھتا ہوں، کے الفاظ کے اندر جو سطوت و جلالت اور جو تحفظ و ضمانت ہے وہ بھی تشریح سے بالاتر ہے۔ جب اللہ ساتھ ہے اور وہ سب کچھ دیکھ اور سن رہا ہے اور وہی ایک مہم پر بھیج رہا ہے تو پھر اگر ساری خدائی بھی دشمن ہوجائے تو کیا ڈر ہے !