تفہیم القرآن
Tafheem-ul-Quran · 2. Al-Baqara · Ayah 131
Tafseerاِذْ قَالَ لَهٗ رَبُّهٗۤ اَسْلِمْ١ۙ قَالَ اَسْلَمْتُ لِرَبِّ الْعٰلَمِیْنَ﴿131﴾
- اِذْ قَالَجب کہا
- لَهُاس کو
- رَبُّهُاس کا رب
- اَسْلِمْتو سر جھکا دے
- قَالَاس نے کہا
- اَسْلَمْتُمیں نے سر جھکا دیا
- لِرَبِّرب کے لئے
- الْعَالَمِينَتمام جہان
Translation · Tafheem-ul-Quran
اس کا حال یہ تھاکہ جب اس کے رب نے اس سے کہا، ”مسلم ہوجا 130،“ تو اس نے فوراً کہا ”میں مالک کائنات کا ”مسلم“ہو گیا۔“
Tafseer · Tafheem-ul-Quran
سورة الْبَقَرَة 130
مُسْلِم وہ جو خدا کے آگے سر اطاعت خم کر دے، خدا ہی کو اپنا مالک، آقا، حاکم اور معبود مان لے، جو اپنے آپ کو بالکلیہ خدا کے سپرد کردے اور اس ہدایت کے مطابق دنیا میں زندگی بسر کرے، جو خدا کی طرف سے آئی ہو۔ اس عقیدے اور اس طرز عمل کا نام ”اسلام“ ہے اور یہی تمام انبیا کا دین تھا جو ابتدائے آفرینش سے دنیا کے مختلف ملکوں اور قوموں میں آئے۔