تفہیم القرآن
Tafheem-ul-Quran · 3. Aal-i-Imraan · Ayah 72
Tafseerوَ قَالَتْ طَّآئِفَةٌ مِّنْ اَهْلِ الْكِتٰبِ اٰمِنُوْا بِالَّذِیْۤ اُنْزِلَ عَلَى الَّذِیْنَ اٰمَنُوْا وَجْهَ النَّهَارِ وَ اكْفُرُوْۤا اٰخِرَهٗ لَعَلَّهُمْ یَرْجِعُوْنَۚۖ﴿72﴾
- وَقَالَتْاور کہا
- طَّآئِفَةٌایک جماعت
- مِّنْسے (کی)
- اَھْلِ الْكِتٰبِاہل کتاب
- اٰمِنُوْاتم مان لو
- بِالَّذِيْٓجو کچھ
- اُنْزِلَنازل کیا گیا
- عَلَيپر
- الَّذِيْنَ اٰمَنُوْاجو لوگ ایمان لائے (مسلمان)
- وَجْهَ النَّهَارِاول حصہ دن
- وَاكْفُرُوْٓااور منکر ہوجاؤ
- اٰخِرَهٗاس کا آخر (شام)
- لَعَلَّھُمْشاید وہ
- يَرْجِعُوْنَوہ پھرجائیں
Translation · Tafheem-ul-Quran
اہل کتاب میں سے ایک گروہ کہتا ہےکہ اس کےنبی کے ماننے والوں پر جو کچھ نازل ہوا ہے اس پر صحیح ایمان لاؤ اور شام کو اس سے انکار کردو، شاید اس ترکیب سے یہ لوگ اپنے ایمان سے پھر جائیں۔61
Tafseer · Tafheem-ul-Quran
سورة اٰلِ عِمْرٰن 61
یہ ان چالوں میں سے ایک چال تھی جو اطراف مدینہ کے رہنے والے یہودیوں کے لیڈر اور مذہبی پیشوا اسلام کی دعوت کو کمزور کرنے کے لیے چلتے رہتے تھے۔ انہوں نے مسلمانوں کو بد دل کرنے اور نبی ﷺ سے عامہ خلائق کو بدگمان کرنے کے لیے خفیہ طور پر آدمیوں کو تیار کر کے بھیجنا شروع کیا تاکہ پہلے علانیہ اسلام قبول کریں، پھر مرتد ہوجائیں، پھر جگہ جگہ لوگوں میں یہ مشہور کرتے پھریں کہ ہم نے اسلام میں اور مسلمانوں میں اور ان کے پیغمبر میں یہ اور یہ خرابیاں دیکھی ہیں تب ہی تو ہم ان سے الگ ہوگئے۔