تفہیم القرآن
Tafheem-ul-Quran · 47. Muhammad · Ayah 11
ذٰلِكَ بِاَنَّ اللّٰهَ مَوْلَى الَّذِیْنَ اٰمَنُوْا وَ اَنَّ الْكٰفِرِیْنَ لَا مَوْلٰى لَهُمْ۠ع﴿11﴾
- ذٰلِكَیہ
- بِاَنَّ اللّٰهَاس لئے کہ اللہ
- مَوْلَىکارساز
- الَّذِيْنَان لوگوں کا جو
- اٰمَنُوْاایمان لائے
- وَاَنَّ الْكٰفِرِيْنَاور یہ کہ کافروں
- لَا مَوْلٰىکوئی کارساز نہیں
- لَهُمْان کے لئے
Translation · Tafheem-ul-Quran
یہ اس لیے کہ ایمان لانے والوں کا حامی و ناصر اللہ ہے اور کافروں کا حامی و ناصر کوئی نہیں۔ 16
Tafseer · Tafheem-ul-Quran
سورة مُحَمَّد 16
جنگ احد میں جب نبی ﷺ زخمی ہو کر چند صحابہ کرام رضوان اللہ علیہم کے ساتھ ایک گھاٹی میں ٹھیرے ہوئے تھے اس وقت ابوسفیان نے نعرہ لگایا لنا عُزّیٰ وَلَا عُزّٰی لَکُمْ۔ " ہمارے پاس عزیٰ ہے اور تمہارا کوئی عزیٰ نہیں ہے "۔ اس پر نبی ﷺ نے صحابہ کرام رضوان اللہ علیہم سے فرمایا اسے جواب دو اللہ مولانا ولا مولی لکم۔ " ہمارا حامی و ناصر اللہ ہے اور تمہارا حامی و ناصر کوئی نہیں "۔ حضور ﷺ کا یہ جواب اسی آیت سے ماخوذ تھا۔