تفہیم القرآن
Tafheem-ul-Quran · 58. Al-Mujaadila · Ayah 13
ءَاَشْفَقْتُمْ اَنْ تُقَدِّمُوْا بَیْنَ یَدَیْ نَجْوٰىكُمْ صَدَقٰتٍ١ؕ فَاِذْ لَمْ تَفْعَلُوْا وَ تَابَ اللّٰهُ عَلَیْكُمْ فَاَقِیْمُوا الصَّلٰوةَ وَ اٰتُوا الزَّكٰوةَ وَ اَطِیْعُوا اللّٰهَ وَ رَسُوْلَهٗ١ؕ وَ اللّٰهُ خَبِیْرٌۢ بِمَا تَعْمَلُوْنَ۠ع﴿13﴾
- ءَاَشْفَقْتُمْکیا تم ڈر گئے
- اَنْ تُقَدِّمُوْاکہ تم دے دو
- بَيْنَ يَدَيْپہلے
- نَجْوٰىكُمْاپنی سرگوشی
- صَدَقٰتٍ ۭصدقات
- فَاِذْ لَمْ تَفْعَلُوْاسو جب تم نہ کرسکے
- وَتَابَ اللّٰهُاور درگزر فرمایا اللہ
- عَلَيْكُمْتم پر
- فَاَقِيْمُواتو قائم کرو تم
- الصَّلٰوةَنماز
- وَاٰتُوا الزَّكٰوةَاور ادا کرو زکوہ
- وَاَطِيْعُوا اللّٰهَاور تم کہا مانو اللہ کا
- وَرَسُوْلَهٗ ۭاور اس کے رسول
- وَاللّٰهُ خَبِيْرٌۢاور اللہ باخبر
- بِمَااس سے جو
- تَعْمَلُوْنَتم کرتے ہو
Translation · Tafheem-ul-Quran
کیا تم ڈرگئے اس بات سےکہ تخلیہ میں گفتگو کرنے سے پہلے تمہیں صدقات دینے ہونگے؟ اچھا، اگر تم ایسا نہ کرو۔۔۔۔ اور اللہ نے تم کو اس سے معاف کر دیا۔۔۔۔ تو نماز قائم کرتے رہو، زکوٰة دیتے رہو اور اللہ اور اُس کے رسُول کی اطاعت کرتے رہو۔ تم جو کچھ کرتے ہو اللہ اس سے باخبر ہے۔ 30
Tafseer · Tafheem-ul-Quran
سورة الْمُجَادِلَة 30
یہ دوسرا حکم اوپر کے حکم کے تھوڑی مدت بعد ہی نازل ہوگیا اور اس نے صدقہ کے وجوب کو منسوخ کردیا۔ اس امر میں اختلاف ہے کہ صدقہ کا یہ حکم کتنی دیر رہا۔ قتادہ کہتے ہیں کہ ایک دن سے بھی کم مدت تک باقی رہا پھر منسوخ کردیا گیا۔ مقاتل بن حیّان کہتے ہیں دس دن تک رہا۔ یہ زیادہ سے زیادہ اس حکم کے بقا کی مدت ہے جو کسی روایت میں بیان ہوئی ہے۔