Anwar-ul-Bayan - 39 : 10

قُلْ یٰعِبَادِ الَّذِیْنَ اٰمَنُوا اتَّقُوْا رَبَّكُمْ١ؕ لِلَّذِیْنَ اَحْسَنُوْا فِیْ هٰذِهِ الدُّنْیَا حَسَنَةٌ١ؕ وَ اَرْضُ اللّٰهِ وَاسِعَةٌ١ؕ اِنَّمَا یُوَفَّى الصّٰبِرُوْنَ اَجْرَهُمْ بِغَیْرِ حِسَابٍ

قُلْ : فرمادیں يٰعِبَادِ : اے میرے بندو الَّذِيْنَ : جو اٰمَنُوا : ایمان لائے اتَّقُوْا : تم ڈرو رَبَّكُمْ ۭ : اپنا رب لِلَّذِيْنَ : ان کے لیے جنہوں نے اَحْسَنُوْا : اچھے کام کیے فِيْ : میں هٰذِهِ الدُّنْيَا : اس دنیا حَسَنَةٌ ۭ : بھلائی وَاَرْضُ اللّٰهِ : اور اللہ کی زمین وَاسِعَةٌ ۭ : وسیع اِنَّمَا : اس کے سوا نہیں يُوَفَّى : پورا بدلہ دیا جائے گا الصّٰبِرُوْنَ : صبر کرنے والے اَجْرَهُمْ : ان کا اجر بِغَيْرِ حِسَابٍ : بےحساب

کہہ دو کہ اے میرے بندو جو ایمان لائے ہو اپنے پروردگار سے ڈرو جنہوں نے اس دنیا میں نیکی کی ان کے لئے بھلائی ہے اور خدا کی زمین کشادہ ہے جو صبر کرنے والے ہیں ان کو بیشمار ثواب ملے گا

(39:10) یعاد : ای یا عبادی۔ اے میرے بندو ! الذین امنوا۔ یہ عباد کی تعریف ہے جو ایمان لائے ہیں۔ جو مومن ہیں۔ یعباد الذین امنوا۔ اے میرے مومن بندو ! یا اے میرے بندو جو ایمان آئے ہو۔ اتقوا ربکم : اتقوا فعل امر کا صیغہ جمع مذکر حاضر۔ اتقاء (افتعال) مصدر ۔ وقی مادہ سے تم ڈرو ۔ تم پرہیزگاری اختیار کرو۔ وقی یقی (باب ضرب) وقایۃ ووقاء بمعنی کسی چیز کو مضر اور نقصان پہنچانے والی چیزوں سے بچانا۔ مثلا ووقھم عذاب الجحیم۔ (44:56) اور خدا ان کو دوزخ کے عذاب سے بچا لے گا۔ اتقوا ربکم اپنے پروردگار سے ڈرو۔ للذین احسنوا فی ھذہ الدنیا حسنۃ۔ اس کی مندجہ ذیل دو صورتیں ہیں۔ (1) عبارت یوں ہے ! للذین احسنوا حسنۃ فی ھذہ الدنیا حسنۃ فی الاخرۃ یعنی فی ھذہ الدنیا متعلق ہے احسنوا سے۔ اور ترجمہ یوں ہوگا :۔ ان لوگوں جنہوں نے اس دنیا میں نیک اعمال کئے آخرت میں اچھا بدلہ ہے۔ یعنی جنت۔ یوفی الصبرون : یوفی مضارع مجہول واحد مذکر غائب (یہاں جمع کے لئے ہے) توفیۃ (تفعیل) مصدر سے۔ پورا دیا جائے گا۔ الوافی۔ مکمل اور پوری چیز کو کہتے ہیں۔ قرآن مجید میں ہے واوفوا الکیل اذا کلتم (17:35) اور جب کوئی چیز ناپ کردینے لگو تو پیمانہ پورا بھرا کرو۔ یوفی الصبرون جو صبر کرنے والے ہیں ان کو بیشمار اجر ملے گا۔ (یعنی نہ صرف پورا پورا ان کے صبر کے مطابق بلکہ اس سے بھی زیادہ یعنی بےحساب) ۔ اسی مادی وفی سے باب افعال سے بمعنی عہد و پیمان کو پورا کرنا آیا ہے مثلاً اوفوا بعھدی اوف بعھدکم (2:40) اور اس اقرار کو پورا کرو جو تم نے مجھ سے کیا تھا اور میں اس اقرار کو پورا کروں گا جو میں نے تم سے کیا تھا۔

Top