Mutaliya-e-Quran

فَمَنْ حَآجَّكَ فِیْهِ مِنْۢ بَعْدِ مَا جَآءَكَ مِنَ الْعِلْمِ فَقُلْ تَعَالَوْا نَدْعُ اَبْنَآءَنَا وَ اَبْنَآءَكُمْ وَ نِسَآءَنَا وَ نِسَآءَكُمْ وَ اَنْفُسَنَا وَ اَنْفُسَكُمْ١۫ ثُمَّ نَبْتَهِلْ فَنَجْعَلْ لَّعْنَتَ اللّٰهِ عَلَى الْكٰذِبِیْنَ

فَمَنْ : سو جو حَآجَّكَ : آپ سے جھگڑے فِيْهِ : اس میں مِنْ بَعْدِ : بعد مَا : جب جَآءَكَ : آگیا مِنَ : سے الْعِلْمِ : علم فَقُلْ : تو کہ دیں تَعَالَوْا : تم آؤ نَدْعُ : ہم بلائیں اَبْنَآءَنَا : اپنے بیٹے وَاَبْنَآءَكُمْ : اور تمہارے بیٹے وَنِسَآءَنَا : اور اپنی عورتیں وَنِسَآءَكُمْ : اور تمہاری عورتیں وَاَنْفُسَنَا : اور ہم خود وَاَنْفُسَكُمْ : اور تم خود ثُمَّ : پھر نَبْتَهِلْ : ہم التجا کریں فَنَجْعَلْ : پھر کریں (ڈالیں) لَّعْنَتَ : لعنت اللّٰهِ : اللہ عَلَي : پر الْكٰذِبِيْنَ : جھوٹے

یہ علم آ جانے کے بعد اب کوئی اس معاملہ میں تم سے جھگڑا کرے تو اے محمدؐ! اس سے کہو، "آؤ ہم اور تم خود بھی آ جائیں اور اپنے اپنے بال بچوں کو بھی لے آئیں اور خد ا سے دعا کریں کہ جو جھوٹا ہو اُس پر خدا کی لعنت ہو"

[فَمَنْ : پھر جو ] [حَآجَّکَ : حجت کرے آپ ﷺ سے ] [فِیْہِ : اس میں ] [مِنْۢ بَعْدِ مَا : اس کے بعد کہ جو ] [جَآئَ کَ : آیا آپ ﷺ کے پاس ] [مِنَ الْعِلْمِ : علم میں سے ] [فَقُلْ : تو آپ ﷺ ‘ کہیں ] [تَعَالَوْا : تم لوگ آئو ] [نَدْعُ : تو ہم پکاریں ] [اَبْنَآئَ نَا : اپنے بیٹوں کو ] [وَاَبْنَآئَ کُمْ : اور (تم) تمہارے بیٹوں کو ] [وَنِسَآئَ نَا : اور (ہم) اپنی عورتوں کو ] [وَنِسَآئَ کُمْ : اور (تم) تمہاری عورتوں کو ] [وَاَنْفُسَنَا : اور (ہم) اپنی جانوں کو ] [وَاَنْفُسَکُمْ : اور (تم) تمہاری جانوں کو ] [ثُمَّ نَـبْتَہِلْ : پھر ہم گڑگڑائیں ] [فَنَجْعَلْ : پھر ہم بنائیں (یعنی بھیجیں) ] [لَّـعْنَتَ اللّٰہِ : اللہ کی لعنت ] [عَلَی الْکٰذِبِیْنَ : جھوٹ کہنے والوں پر ] ب ھـ ل بَھَلَ (ف) بَھْلاً : کسی کو آزاد چھوڑنا۔ اِبْتَھَلَ (افتعال) اِبْتِھَالًا : اہتمام سے آزاد ہونا ‘ آزادی سے کھل کر التجا کرنا ‘ گڑگڑانا ‘ آیت زیرمطالعہ۔ ترکیب : فعل امر ” تَعَالَوْا “ کا جواب امر ہونے کی وجہ سے ” نَدْعُ ۔ نَـبْتَھِلْاور نَجْعَلْ “ مجزوم ہوئے ہیں۔” اِنَّ “ کا اسم ” ھٰذَا “ ہے۔ ” اِنَّ “ کی خبر پر تاکید مزید کے لیے اکثر لام تاکید لگا دیتے ہیں۔ وہی لام تاکید یہاں ضمیر فاصل ” ھُوَ “ پر آیا ہے اور ” اَلْقَصَصُ الْحَقُّ “ خبر معرفہ ہے۔ ” مِنْ اِلٰـہٍ “ کا ” مِنْ “ مزید عموم کے لیے ہے۔

Top