تدبرِ قرآن
Tadabbur-e-Quran · 44. Ad-Dukhaan · Ayah 41
یَوْمَ لَا یُغْنِیْ مَوْلًى عَنْ مَّوْلًى شَیْئًا وَّ لَا هُمْ یُنْصَرُوْنَۙ﴿41﴾
- يَوْمَجس دن
- لَا يُغْنِيْنہ کام آئے گا
- مَوْلًىکوئی عزیز۔ قریب
- عَنْ مَّوْلًىعزیز کو۔ قریب کو
- شَيْئًاکچھ بھی
- وَّلَا هُمْاور نہ وہ
- يُنْصَرُوْنَمددئیے جائیں گے
Translation · Tadabbur-e-Quran
جس دن کوئی رشتہ دار کسی رشتہ دار کے کام نہیں آئے گا اور نہ ان کی کوئی مدد ہی ہو سکے گی۔
Tafseer · Tadabbur-e-Quran
یوم لایغنی مولی عن مولی شیئاً ولاھم ینصرون (41)
لفظ مولی خاندان اور قبیلہ کے ان افراد کے لئے آتا ہے جن کے ساتھ آدمی کا خون اور نسب کا رشتہ اور جن میں باہم عصبیت کا جذبہ ہو۔ فرمایا کہ وہ دن ایسا نفسی نفسی کا ہوگا کہ کوئی عزیز و قریب کسی کے کچھ کام آنے والا نہیں بنے گا۔ ولا ھم ینصرون اور نہ ان کی کسی اور ہی طرف سے کوئی مدد کی جائے گی۔ قرینہ سے معلوم ہوتا ہے کہ یہ اس مدد کی نفی ہے جو مشرکین اپنے مزعومہ شرکاء و شفعاء سے رکھتے تھے۔