آسان قرآن

Aasan Quran · 28. Al-Qasas · Ayah 15

28:15
وَ دَخَلَ الْمَدِیْنَةَ عَلٰى حِیْنِ غَفْلَةٍ مِّنْ اَهْلِهَا فَوَجَدَ فِیْهَا رَجُلَیْنِ یَقْتَتِلٰنِ١٘ۗ هٰذَا مِنْ شِیْعَتِهٖ وَ هٰذَا مِنْ عَدُوِّهٖ١ۚ فَاسْتَغَاثَهُ الَّذِیْ مِنْ شِیْعَتِهٖ عَلَى الَّذِیْ مِنْ عَدُوِّهٖ١ۙ فَوَكَزَهٗ مُوْسٰى فَقَضٰى عَلَیْهِ١٘ۗ قَالَ هٰذَا مِنْ عَمَلِ الشَّیْطٰنِ١ؕ اِنَّهٗ عَدُوٌّ مُّضِلٌّ مُّبِیْنٌ﴿15﴾
1. وَدَخَلَاور وہ داخل ہوا
2. الْمَدِيْنَةَشہر
3. عَلٰي حِيْنِوقت پر
4. غَفْلَةٍغفلت
5. مِّنْ اَهْلِهَااس کے باشندے
6. فَوَجَدَتو اس نے پایا
7. فِيْهَااس میں
8. رَجُلَيْنِدو آدمی
9. يَقْتَتِلٰنِوہ باہم لڑتے ہوئے
10. هٰذَایہ (ایک)
11. مِنْسے
12. شِيْعَتِهٖاس کی برادری
13. وَهٰذَااور وہ (دوسرا)
14. مِنْسے
15. عَدُوِّهاس کے دشمن کا
16. فَاسْتَغَاثَهُتو اس نے اس (موسی) سے مدد مانگی
17. الَّذِيْوہ جو
18. مِنْ شِيْعَتِهٖاس کی برادری سے
19. عَلَياس پر
20. الَّذِيْوہ جو
21. مِنْ عَدُوِّهٖاس کے دشمن سے
22. فَوَكَزَهٗتو ایک مکا مارا اس کو
23. مُوْسٰىموسیٰ
24. فَقَضٰىپھر کام تمام کردیا
25. عَلَيْهِاس کا
26. قَالَاس نے کہا
27. هٰذَایہ
28. مِنْسے
29. عَمَلِ الشَّيْطٰنِشیطان کا کام (حرکت)
30. اِنَّهٗبیشک وہ
31. عَدُوٌّدشمن
32. مُّضِلٌّبہکانے والا
33. مُّبِيْنٌصریح (کھلا)

Translation · Aasan Quran

اور (ایک دن) وہ شہر میں ایسے وقت داخل ہوئے جب اس کے باشندے غفلت میں تھے (5) تو انہوں نے دیکھا کہ وہاں دو آمی لڑ رہے ہیں، ایک تو ان کی اپنی برادری کا تھا، اور دوسرا ان کی دشمن قوم کا۔ اب جو شخص ان کی برادری کا تھا، اس نے انہیں ان کی دشمن قوم کے آدمی کے مقابلے میں مدد کے لیے پکارا، اس پر موسیٰ نے اس کو ایک مکا مارا جس نے اس کا کام تمام کردیا۔ (6) (پھر) انہوں نے (پچھتا کر) کہا کہ : یہ تو کوئی شیطان کی کاروائی ہے۔ حقیقت یہ ہے کہ وہ ایک کھلا دشمن ہے جو غلط راستے پر ڈال دیتا ہے۔

Tafseer · Aasan Quran

5: یعنی اکثر لوگ دوپہر کے وقت بیخبر سوئے ہوئے تھے 6: حضرت موسیٰ ؑ کا مقصد تو صرف یہ تھا کہ اسرائیلی شخص کو اس کے ظلم سے بچائیں، اسے قتل کرنا مقصود نہیں تھا، لیکن وہ ایک ہی مکے سے مرگیا۔