آسان قرآن
Aasan Quran · 7. Al-A'raaf · Ayah 53
هَلْ یَنْظُرُوْنَ اِلَّا تَاْوِیْلَهٗ١ؕ یَوْمَ یَاْتِیْ تَاْوِیْلُهٗ یَقُوْلُ الَّذِیْنَ نَسُوْهُ مِنْ قَبْلُ قَدْ جَآءَتْ رُسُلُ رَبِّنَا بِالْحَقِّ١ۚ فَهَلْ لَّنَا مِنْ شُفَعَآءَ فَیَشْفَعُوْا لَنَاۤ اَوْ نُرَدُّ فَنَعْمَلَ غَیْرَ الَّذِیْ كُنَّا نَعْمَلُ١ؕ قَدْ خَسِرُوْۤا اَنْفُسَهُمْ وَ ضَلَّ عَنْهُمْ مَّا كَانُوْا یَفْتَرُوْنَ۠ع﴿53﴾
- هَلْکیا
- يَنْظُرُوْنَوہ انتظار کر رہے ہیں
- اِلَّامگر (یہی کہ)
- تَاْوِيْلَهٗاسکا کہنا پورا ہوجائے
- يَوْمَجس دن
- يَاْتِيْآئے گا
- تَاْوِيْلُهٗاس کا کہا ہوا
- يَقُوْلُکہیں گے
- الَّذِيْنَوہ لوگ جو
- نَسُوْهُانہوں نے بھلا دیا
- مِنْ قَبْلُپہلے سے
- قَدْ جَآءَتْبیشک لائے
- رُسُلُرسول (جمع)
- رَبِّنَاہمارا رب
- بِالْحَقِّحق
- فَهَلْتو کیا ہیں
- لَّنَاہمارے لیے
- مِنْکوئی
- شُفَعَآءَسفارش کرنیوالے
- فَيَشْفَعُوْاکہ سفارش کریں
- لَنَآہماری
- اَوْ نُرَدُّیا ہم لوٹائے جائیں
- فَنَعْمَلَسو ہم کریں
- غَيْرَ الَّذِيْاس کے خلاف جو
- كُنَّا نَعْمَلُہم کرتے تھے
- قَدْ خَسِرُوْٓابیشک نقصان کیا انہوں نے
- اَنْفُسَهُمْاپنی جانیں
- وَضَلَّاور گم ہوگیا
- عَنْهُمْان سے
- مَّاجو
- كَانُوْا يَفْتَرُوْنَوہ افترا کرتے (جھوٹ گھڑتے تھے)
Translation · Aasan Quran
(اب) یہ (کافر) اس آخری انجام کے سوا کس بات کے منتظر ہیں جو اس کتاب میں مذکور ہے ؟ (27) (حالانکہ) جس دن وہ آخری انجام آگیا جو اس کتاب نے بتایا ہے، اس دن یہ لوگ جو اس انجام کو پہلے بھلا چکے تھے، یہ کہیں گے کہ : ہمارے پروردگار کے پیغمبر واقعی سچی خبر لائے تھے، اب کیا ہمیں کچھ سفارشی میسر آسکتے ہیں جو ہماری سفارش کریں، یا کیا ایسا ہوسکتا ہے کہ ہمیں دوبارہ وہیں (دنیا میں) بھیج دیا جائے، تاکہ ہم جو (برے) کام پہلے کرتے رہے ہیں، ان کے برخلاف دوسرے (نیک) عمل کریں ؟ حقیقت یہ ہے کہ یہ لوگ اپنی جانوں کے لیے سخت گھاٹے کا سودا کرچکے ہیں، اور جو (دیوتا) انہوں نے گھڑ رکھے ہیں، انہیں (اس دن) ان کا کہیں سراغ نہیں ملے گا۔
Tafseer · Aasan Quran
27: اس آخری انجام سے مراد قیامت ہے۔ یعنی کیا یہ لوگ ایمان لانے کے لیے قیامت کا انتظار کر رہے ہیں، حالانکہ اس وقت ایمان قبول ہی نہیں ہوگا، اور جب وہ آجائے گی تو ان کو حسرت کرنے کے سوا کچھ حاصل نہیں ہوگا۔