Anwar-ul-Bayan - Adh-Dhaariyat : 48
اَمْ لَمْ یُنَبَّاْ بِمَا فِیْ صُحُفِ مُوْسٰىۙ
اَمْ لَمْ يُنَبَّاْ : یا نہیں خبر دیا گیا۔ آگاہ کیا گیا بِمَا : ساتھ اس کے جو فِيْ صُحُفِ : صحیفوں میں ہے مُوْسٰى : موسیٰ کے
کیا جو باتیں موسیٰ کے صحیفوں میں ہیں ان کی اس کو خبر نہیں پہنچی ؟
(53:36) ام لہم ینبا : ام بمعنی ہمزہ استفہامیہ ہے ای الم ینبا۔ لم ینبا مضارع مجہول نفی جحد بلم۔ صیغہ واحد مذکر غائب۔ تنبئۃ (تفعیل) مصدر ن ب ء مادہ۔ خبر دینا۔ کیا اس کو خبر نہیں دی گئی۔ بما : میں ب تعدیہ کا ہے۔ ما موصولہ ہے۔ صحف : صحیفے، کتابیں۔ اور اق، صحیفۃ کی جمع ہے۔ یہ جمع نادر ہے کیونکہ فعلیہ بروزن فعل نہیں آتی۔ ندرت اور قیاس میں اس کی مثال۔ سفینۃ (واحد) کی جمع سفن ہے۔ ترجمہ : کیا اس کو ان باتوں کی خبر نہیں پہنچی جو (حضرت) موسیٰ (علیہ السلام) کے صحیفوں میں ہیں۔
Top