Kashf-ur-Rahman - Hud : 71
وَ امْرَاَتُهٗ قَآئِمَةٌ فَضَحِكَتْ فَبَشَّرْنٰهَا بِاِسْحٰقَ١ۙ وَ مِنْ وَّرَآءِ اِسْحٰقَ یَعْقُوْبَ
وَامْرَاَتُهٗ : اور اس کی بیوی قَآئِمَةٌ : کھڑی ہوئی فَضَحِكَتْ : تو وہ ہنس پڑی فَبَشَّرْنٰهَا : سو ہم نے اسے خوشخبری دی بِاِسْحٰقَ : اسحٰق کی وَ : اور مِنْ وَّرَآءِ : سے (کے) بعد اِسْحٰقَ : اسحق يَعْقُوْبَ : یعقوب
اور ابراہیم (علیہ السلام) کی بیوی جو وہیں کھڑی ہوئی تھی ان باتوں کو سن کر ہنسی تو ہم نے اس عورت کو اسحق اور اسحق کے پیچھے یعقوب (علیہ السلام) کی بشارت دی
71 اور ابراہیم (علیہ السلام) کی بیوی جو وہیں کھڑی ہوئی تھی ان باتوں کو سن کر ہنسی تو ہم نے اس عورت کو اسحاق (علیہ السلام) اور اسحاق (علیہ السلام) کے پیچھے یعقوب (علیہ السلام) کی بشارت دی۔ حضرت شاہ صاحب (رح) فرماتے ہیں اس کے ڈر کئے دور ہونے سے خوش ہوکر ہنس پڑی حق تعالیٰ نے خوشی پر اور خوشیاں سنائیں 12 خلاصہ ! یہ کہ بیٹے اور پوتے کی خوشی سنائی یہ بیوی حضرت سارہ ؓ تھیں ان کو اولاد کی بڑھاپے کے باعث امید بھی نہ رہی تھی۔
Top