Kashf-ur-Rahman - Maryam : 52
وَ نَادَیْنٰهُ مِنْ جَانِبِ الطُّوْرِ الْاَیْمَنِ وَ قَرَّبْنٰهُ نَجِیًّا
وَنَادَيْنٰهُ : اور ہم نے اسے پکارا مِنْ : سے جَانِبِ : جانب الطُّوْرِ : کوہ طور الْاَيْمَنِ : داہنی وَقَرَّبْنٰهُ : اور اسے نزدیک بلایا نَجِيًّا : راز بتانے کو
اور ہم نے موسیٰ کو کوہ طور کی دائیں جانب سے پکارا اور سرگوشی کرنے کو اسے اپنے سے قریب کیا۔
-52 اور ہم نے موسیٰ کو طور کی داہنی جانب سے پکارا تھا اور سرگوشی کرنے اور بھید بتانے کو اسے اپنے سے قریب کیا۔ یعنی بھید بتانے کو اسے اپنا مقرب بنایا اور چونکہ موسیٰ (علیہ السلام) سے جہاں ہم کلامی ہوئی وہ مقام طور کا حضرت موسیٰ (علیہ السلام) کی داہنی جانب تھا سرگوشی اور بھید اس لئے فرمایا کہ سو اے موسیٰ (علیہ السلام) کے اس وقت اور کوئی شخص نہ تھا حضرت شاہ صاحب فرماتے ہیں ان سے کلام ہوا بیچ میں فرشتہ نہ تھا خلاصہ ! یہ ہے کہ طور ان کی داہنی جانب تھا جب ان کو پکارا گیا ان سے سرگوشی کی گئی اسرار اور راز بتائے گئے اور ان کو اپنے سے قریب کیا یعنی مقرب بنایا۔
Top