Mutaliya-e-Quran

وَ لَا تُصَلِّ عَلٰۤى اَحَدٍ مِّنْهُمْ مَّاتَ اَبَدًا وَّ لَا تَقُمْ عَلٰى قَبْرِهٖ١ؕ اِنَّهُمْ كَفَرُوْا بِاللّٰهِ وَ رَسُوْلِهٖ وَ مَاتُوْا وَ هُمْ فٰسِقُوْنَ

وَلَا تُصَلِّ : اور نہ پڑھنا نماز عَلٰٓي : پر اَحَدٍ : کوئی مِّنْهُمْ : ان سے مَّاتَ : مرگیا اَبَدًا : کبھی وَّلَا تَقُمْ : اور نہ کھڑے ہونا عَلٰي : پر قَبْرِهٖ : اس کی قبر اِنَّهُمْ : بیشک وہ كَفَرُوْا : انہوں نے کفر کیا بِاللّٰهِ : اللہ سے وَرَسُوْلِهٖ : اور اس کا رسول وَمَاتُوْا : اور وہ مرے وَهُمْ : جبکہ وہ فٰسِقُوْنَ : نافرمان

اور آئندہ ان میں سے جو کوئی مرے اس کی نماز جنازہ بھی تم ہرگز نہ پڑھنا اور نہ کبھی اس کی قبر پر کھڑے ہونا کیونکہ انہوں نے اللہ اور اس کے رسولؐ کے ساتھ کفر کیا ہے اور وہ مرے ہیں اس حال میں کہ وہ فاسق تھے

وَلَا تُصَلِّ [ اور آپ نماز نہ پڑھیں ] عَلٰٓي اَحَدٍ [ کسی ایک پر ] مِّنْهُمْ [ ان میں سے ] مَّاتَ [ جو مردہ ہوا ] اَبَدًا [ کبھی بھی ] وَّلَا تَقُمْ [ اور آپ مت کھڑے ہوں ] عَلٰي قَبْرِهٖ ۭ [ اس کی قبر پر ] اِنَّهُمْ [ بیشک انھوں نے ] كَفَرُوْا [ ناشکری کی ] بِاللّٰهِ [ اللہ کی ] وَرَسُوْلِهٖ [ اور اس کے رسول کی ] وَمَاتُوْا [ اور وہ مرے ] وَ [ اس حال میں کہ ] هُمْ [ وہ لوگ ] فٰسِقُوْنَ [ نافرمانی کرنے والے تھے ] ق ب ر : (ض، ن) ۔ قبرا ، میت کو دفن کرنا۔ قبر ، ج : قبور ، اسم ذات بھی ہے ۔ قبر ۔ زیرمطالعہ آیت ۔ 84 ۔ وَاَنَّ اللّٰهَ يَبْعَثُ مَنْ فِي الْقُبُوْرِ [اور یہ کہ اللہ اٹھائے گا ان کو جو قبروں میں ہیں ] 22:7 ۔ مقبرۃ ، ج : مقابر ، اسم الظرف ہے۔ دفن کرنے کی جگہ ۔ قبرستان ، حَتّٰى زُرْتُمُ الْمَقَابِرَ [ یہاں تک کہ تم لوگوں نے دیکھا قبرستانوں کو ] 102:2 ۔ (افعال ) اقبارا ۔ کسی کے لیے قبر مہیا کرنا ، دفن کرانا ۔ ثُمَّ اَمَاتَهٗ فَاَقْبَرَهٗ [ پھر اس نے موت دی اس کو پھر اس نے دفن کرایا اس کو ] 80:21 ۔ (آیت ۔ 84) احد نکرہ موصوفہ ہے اور مات اس کی صفت ہے ۔

Top