Urwatul-Wusqaa - Az-Zukhruf : 7
وَ مَا یَاْتِیْهِمْ مِّنْ نَّبِیٍّ اِلَّا كَانُوْا بِهٖ یَسْتَهْزِءُوْنَ
وَمَا يَاْتِيْهِمْ : اور نہیں آیا ان کے پاس مِّنْ نَّبِيٍّ : کوئی نبی اِلَّا كَانُوْا : مگر وہ تھے بِهٖ : ساتھ اس کے يَسْتَهْزِءُوْنَ : اتہزاء کرتے۔ مذاق اڑاتے
اور جو پیغمبر بھی ان کے پاس آتا (اور جب بھی آتا) وہ اس کا مذاق اڑاتے (یہ بات ان کو ورثہ میں ملی ہے)
ہر نبی و رسول کا اس کی قوم نے مذاق اڑایا اور استہزاء کیا 7 ؎ جب بھی اور جہاں بھی کسی قوم کی طرف نبی و رسول بھیجا گیا تو اس کی قوم نے اس کا مذاق اڑایا کہ اچھا آپ ہی کو اللہ نے نبوت و رسالت کے لیے پسند کیا ہے ؟ آپ کو کیا سرخاب کے پَر لگے ہیں اور ہم کو نہیں کہ آپ کے ساتھ تو اللہ باتیں کرتا ہے اور ہماری طرف دیکھتا بھی نہیں۔ کبھی انسان کو بھی اللہ نبی و رسول بنا کر بھیجتا ہے جو تم کو نبوت و رسالت کے لیے چن لیا ؟ یہ اور اسی طرح کے سارے اعتراضات جو آپ ﷺ پر آپ ﷺ کی قوم نے کیے وہ گزشتہ نبیوں اور رسولوں کے ساتھ بھی ان کی قوموں نے کیے۔
Top