مشکوٰۃ المصابیح - طب اور جھاڑ پھونک کا بیان - حدیث نمبر 3991
حدیث نمبر: 4394
حَدَّثَنَا مُوسَى بْنُ إِسْمَاعِيلَ، ‏‏‏‏‏‏حَدَّثَنَا أَبُو عَوَانَةَ، ‏‏‏‏‏‏حَدَّثَنَا عَبْدُ الْمَلِكِ، ‏‏‏‏‏‏عَنْ عَمْرِو بْنِ حُرَيْثٍ، ‏‏‏‏‏‏عَنْ عَدِيِّ بْنِ حَاتِمٍ، ‏‏‏‏‏‏قَالَ:‏‏‏‏ أَتَيْنَا عُمَرَ فِي وَفْدٍ، ‏‏‏‏‏‏فَجَعَلَ يَدْعُو رَجُلًا رَجُلًا وَيُسَمِّيهِمْ، ‏‏‏‏‏‏فَقُلْتُ:‏‏‏‏ أَمَا تَعْرِفُنِي يَا أَمِيرَ الْمُؤْمِنِينَ ؟قَالَ:‏‏‏‏ بَلَى، ‏‏‏‏‏‏أَسْلَمْتَ إِذْ كَفَرُوا، ‏‏‏‏‏‏وَأَقْبَلْتَ إِذْ أَدْبَرُوا، ‏‏‏‏‏‏وَوَفَيْتَ إِذْ غَدَرُوا، ‏‏‏‏‏‏وَعَرَفْتَ إِذْ أَنْكَرُوا، ‏‏‏‏‏‏فَقَالَ عَدِيٌّ:‏‏‏‏ فَلَا أُبَالِي إِذًا.
باب: قبیلہ طے کے وفد اور عدی بن حاتم ؓ کا قصہ۔
ہم سے موسیٰ بن اسماعیل نے بیان کیا، کہا ہم سے ابوعوانہ نے بیان کیا، کہا ہم سے عبدالملک بن عمیر نے بیان کیا، ان سے عمرو بن حریث نے اور ان سے عدی بن حاتم ؓ نے بیان کیا کہ ہم عمر ؓ کی خدمت میں (ان کی دور خلافت میں) ایک وفد کی شکل میں آئے۔ وہ ایک ایک شخص کو نام لے لے کر بلاتے جاتے تھے) میں نے ان سے کہا کیا آپ مجھے پہچانتے نہیں؟ اے امیرالمؤمنین! فرمایا کیا تمہیں بھی نہیں پہچانوں گا، تم اس وقت اسلام لائے جب یہ سب کفر پر قائم تھے۔ تم نے اس وقت توجہ کی جب یہ سب منہ موڑ رہے تھے۔ تم نے اس وقت وفا کی جب یہ سب بےوفائی کر رہے تھے اور اس وقت پہچانا جب ان سب نے انکار کیا تھا۔ عدی ؓ نے کہا بس اب مجھے کوئی پرواہ نہیں۔
Top