آنحضرت ﷺ کے گوٹ مار کر بیٹھنے کا ذکر
اور حضرت جابر ؓ کہتے ہیں کہ ایک موقع پر میں نبی کریم ﷺ کی خدمت میں حاضر ہوا تو اس وقت آپ ﷺ ایک چادر کے ذریعہ گوٹ مارے ہوئے بیٹھے تھے اور اس چادر کے کنارے آپ ﷺ کے قدموں پر پڑے ہوئے تھے! (ابوداؤد)
تشریح
گوٹ مار کر بیٹھنا اس نشست کو کہتے ہیں جس میں کو لھے زمین پر ٹیک کر دونوں گھٹنے کھڑے کرلیتے ہیں اور سہارے کے لئے دونوں ہاتھ یا کوئی کپڑا گھٹنوں کے گرد لپیٹ لیتے ہیں۔