حضرت سودہ ؓ
حضرت سودہ ؓ حضرت سودہ بنت زمعہ سکران بن عمرو بن عبدور کے نکاح میں تھیں جو ان کے عم زاد تھے انہوں نے اسلام قبول کیا پھر ان کی ترغیب پر سکران بھی مسلمان ہوگئے اور دونوں میاں بیوی ہجرت کر کے حبشہ چلے گئے حبشہ میں سکران کا انتقال ہوگیا تو آنحضرت ﷺ نے ان کی دلداری کے لئے حضرت خدیجہ ؓ کی وفات کے بعد ١٠ نبوی میں ان سے نکاح کرلیا اس وقت تک آپ نے حضرت عائشہ ؓ سے نکاح نہیں کیا تھا اور حضرت سودہ ؓ کی عمر پچاس سال تھی ایک زمانہ میں آنحضرت ﷺ نے بعض حالات کے تحت ان کو طلاق دینی چاہی مگر پھر ان کی درخواست پر آپ ﷺ نے اپنا ارادہ منسوخ کردیا تھا اور اسی وقت سے انہوں نے اپنی باری حضرت عائشہ ؓ کو دے دی تھی ان کا انتقال ١٩ ھ کے ماہ شوال میں مدینہ میں ہوا جب کہ ایک روایت میں ان کا سن وفات ٥٤ اور ایک روایت میں ٤١ منقول ہے۔