حضرت حفصہ ؓ
حضرت حفصہ ؓ حضرت حفصہ امیر المؤمنین حضرت عمر فاروق ؓ کی بیٹی ہیں ان کی ماں کا نام زینب بنت مظعون تھا یہ پہلے جیش بن عقافہ سہمی کے نکاح میں تھیں اپنے خاوند حضرت جیش کے ساتھ مکہ سے ہجرت کی اور مدینہ آگئی تھیں غزوہ بدر میں حضرت جیش ؓ شیہد ہوگئے۔ تو حضرت عمر ؓ نے ان کا نکاح حضرت ابوبکر ؓ یا حضرت عثمان ؓ سے کرنا چاہا لیکن ان دونوں نے انکار کردیا تب رسول اللہ ﷺ نے اپنا پیغام ڈالا اور شعبان ٣ ھ میں ان کا نکاح کیا ایک موقع پر آنحضرت ﷺ نے ان کو ایک طلاق دیدی تھیں لیکن جب آپ کے پاس وحی آئی کہ حفصہ ؓ سے رجوع کرلیجئے کیونکہ وہ بہت عبادت گزار بہت روزہ دار عورت ہے اور وہ جنت میں آپ کی زوجہ ہے تو آنحضرت ﷺ نے رجوع کرلیا صحابہ تابعین کی ایک جماعت ان سے آنحضرت ﷺ کی احادیث نقل کرتی ہے انہوں نے بعمر ٦٠ سال شعبان ٤٥ ھ میں وفات پائی