حج تمتع کے جواز کے بیان میں
محمد بن مثنی، محمد بشار، محمد بن جعفر، شعبہ، عمرو بن مرہ، حضرت سعید بن مسیب ؓ سے روایت ہے کہ انہوں نے فرمایا کہ حضرت علی اور حضرت عثمان ؓ مقام عسفان میں اکٹھے ہوئے تو حضرت عثمان ؓ حج تمتع یا عمرہ سے حج کے دنوں میں منع فرماتے تھے تو حضرت علی ؓ نے فرمایا کہ آپ اس کام کے بارے میں کیا چاہتے ہیں جسے خود رسول اللہ ﷺ نے کیا ہے اور آپ اس سے روک رہے ہیں تو حضرت عثمان ؓ نے فرمایا کہ تم ہمیں ہمارے حال پر چھوڑ دو حضرت علی ؓ نے فرمایا کہ مجھے آپ کو چھوڑنے کی ہمت نہیں ہے پھر جب حضرت علی ؓ نے یہ حال دیکھا تو انہوں نے حج اور عمرہ کا اکٹھا احرام باندھا۔