مستحاضہ اور اس کے غسل اور نماز کے بیان میں
محمد بن سلمہ مرادی، عبداللہ بن وہب، عمرو بن حارث ابن شہاب، عروہ بن زبیر، عمرہ بنت عبدالرحمن، حضرت عائشہ ؓ سے روایت ہے کہ نبی کریم ﷺ کی سالی ام حبیبہ بنت جحش ؓ حضرت عبدالرحمن بن عوف کی بیوی سات سال تک مستحاضہ رہی اس نے رسول اللہ ﷺ سے اس بارے میں فتوی طلب کیا تو آپ ﷺ نے فرمایا یہ حیض نہیں بلکہ یہ رگ کا خون ہے غسل کر اور نماز ادا کر حضرت عائشہ ؓ نے فرمایا کہ وہ اپنی بہن حضرت زینب بنت جحش ؓ کے حجرے میں ایک برتن میں غسل کرتی تھی یہاں تک کہ خون کی سرخی پانی کے اوپر آجاتی ابن شہاب نے کہا کہ میں نے یہ حدیث ابوبکر بن عبدالرحمن ؓ بیان کی تو انہوں نے فرمایا اللہ ہندہ پر رحم فرمائے اگر وہ یہ فتوی سن لیتی اللہ کی قسم وہ روتی تھی کہ وہ ایسی صورت میں نماز ادا نہ کرتی تھی۔