رسول اللہ ﷺ کے تبسم اور حسن معاشرت کے بیان میں
یحییٰ بن یحیی، ابوخیثمہ سماک بن حرب ؓ حضرت سماک ؓ بن حرب کہتے ہیں کہ میں نے حضرت جابر بن سمرہ ؓ سے عرض کیا کہ کیا آپ ؓ رسول اللہ ﷺ کی مجلس میں بیٹھا کرتے تھے انہوں نے فرمایا ہاں بہت زیادہ آپ ﷺ صبح کی نماز جس جگہ پڑھا کرتے تھے تو وہاں سے سورج نکلنے تک نہ اٹھتے تھے اور جب سورج نکل آتا تو آپ ﷺ وہاں سے اٹھ کھڑے ہوتے اور صحابہ کرام ؓ باتوں میں مصروف ہوتے تھے اور زمانہ جاہلیت کے کاموں کا تذکرہ کرتے تو آپ ﷺ مسکرا پڑتے تھے۔